د طالبانو حکومت د بهرنیو چارو وزارت د سوریې په پلازمېنه دمشق کې پر یوې کافه شوی برید غندلی او هغه یې د ملکي وګړو پر وړاندې یو ناوړه اقدام بللی دی.

د یاد وزارت په وینا، پر بې‌ګناه خلکو بریدونه د اسلامي او انساني ارزښتونو خلاف دي او هېڅ ډول توجیه نه لري.

د بهرنیو چارو وزارت ټینګار کړی چې دا ډول پېښې د سوریې د امنیت او ثبات لپاره جدي ګواښ ګڼل کېږي او د تاوتریخوالي دوام د سیمې وضعیت نور هم پېچلی کوي.

د‌ يادونې وړ ده چې د سوریې په پلازمېنه دمشق کې پر کافه د برید له امله ۹ کسان وژل شوي او ۲۰ نور ټپیان شوي دي.

تر اوسه ددې بريد مسولیت چا نه دی منلی.

ریاست عمومی المپیک تربیت بدنی و ورزش کشور اعلام کرد که تیم ملی پرورش اندام افغانستان در شانزدهمین دور رقابت‌های پرورش اندام جنوب آسیا موفق به کسب شش مدال رنگارنگ شد.بر بنیاد این گزارش نصیب‌الله عظیمی در بخش اسپورت فیزیک و میوند بابکرخیل در رقابت‌های وزن آزاد با عملکرد درخشان خود مدال‌های طلا را از آن افغانستان کردند.همچنین خواجه رفیع در بخش اتلتیک فیزیک احمد حبیبی در وزن ۷۵ کیلوگرم و ریاض‌الرحمن احسان در وزن آزاد مدال‌های نقره را به دست آوردند و بلال جلیلی نیز موفق به کسب مدال برنز شد.ریاست عمومی المپیک این دستاورد را نتیجه تلاش و آمادگی ورزشکاران کشور دانسته و آن را گامی ارزشمند در راستای افتخارآفرینی ورزش افغانستان در رقابت‌های بین‌المللی عنوان کرده است.

د عراق د پخواني ولسمشر صدام حسین لور، رغد صدام حسین، هغه ادعاوې رد کړې چې ګواکې په یمن کې یوه ښځه د صدام حسین لور ده.

رغد په یوه بیان کې ویلي، هغه کیسې چې د «میرا» په نوم د یوې ښځې له لوري خپرې شوې، بشپړې ناسمې دي.

هغې ټینګار کړی چې د صدام حسین کورنۍ څو ځله مخکې هم دا ډول ادعاوې رد کړې او ویلي یې دي چې د پخواني ولسمشر هېڅ پټ اولاد نه شته.

دا موضوع وروسته له هغې پراخه شوه چې په یمن کې یوې شاوخوا ۳۴ کلنې ښځې، چې ځان یې «میرا صدام حسین» معرفي کاوه، ادعا وکړه چې د ۲۰۰۳ کال له عراق څخه یمن ته تللې او د پخواني یمني ولسمشر علي عبدالله صالح له خوا ورته د استوګنې او ساتنې زمینه برابره شوې وه.

خو د حوثیانو تر واک لاندې چارواکو ویلي، د یادې ښځې اصلي نوم سمیه احمد محمد عیسی الزبیري دی او یمن تبعه ده.

د دوی په وینا، د DNA ازموینو هم ښودلې چې هغه د خپلو یمني مور او پلار بیولوژیکي لور ده.

چارواکو زیاته کړې چې د صنعا یوې محکمې په ۲۰۲۳ کال کې نوموړې د جعل او د ناسم هویت د کارولو په جرم محکومه کړې وه، او وروسته د استیناف محکمې هم دا پرېکړه پر ځای پرېښې ده.

د پرتګال د فوټبال ملي لوبډلې کپتان کریسټیانو رونالډو د ۲۰۲۶ کال نړیوال جام د یوولسم پړاو په سیالیو کې د کرواسیا پر وړاندې د لوبېدو له لارې د دې سیالیو په تاریخ کې نوی ریکارډ خپل کړ.

رونالډو، چې ۴۱ کاله او ۱۴۹ ورځې عمر لري، د نړیوال جام په تاریخ کې د تر ټولو ډېر عمر لرونکي لوبغاړي په توګه وپېژندل شو.

تر دې وړاندې دا ریکارډ د بوسنیا د ملي لوبډلې لوبغاړي ادین ژیکو په نوم و، چې یوازې یوه ورځ مخکې یې د امریکا پر وړاندې په ۴۰ کلونو او ۱۰۶ ورځو عمر دغه مقام خپل کړی و، خو رونالډو د کرواسیا پر وړاندې د لوبېدو سره هغه مات کړ.

له دې سربېره، د پرتګال ستوري د نړیوال جام د حذفي پړاوونو په تاریخ کې د تر ټولو ډېر عمر لرونکي ګول‌وهونکي ریکارډ هم په خپل نوم ثبت کړ.

رويټرز راپور ورکړی چې د نیوزیلنډ لومړي وزیر کریسټوفر لوکسن اعلان کړی چې د هند لومړی وزیر نرېندرا مودي به راتلونکې اوونۍ د لومړي ځل لپاره په رسمي سفر نیوزیلنډ ته ولاړ شي.

د لوکسن په وینا، مودي به د جولای په ۱۰مه اوکلنډ ته ورسېږي او د جولای په ۱۱مه به له نیوزیلنډ څخه بېرته روان شي.

هغه دا سفر تاریخي بللی او ویلي یې دي چې دا په تېرو ۴۰ کلونو کې لومړی ځل دی چې د هند یو لومړی وزیر په رسمي توګه نیوزیلنډ ته سفر کوي.

دا سفر په داسې حال کې ترسره کېږي چې دواړو هېوادونو د روان کال په اپرېل میاشت کې د آزادې سوداګرۍ تړون لاسلیک کړی، چې له مخې یې د نیوزیلنډ پر صادراتي توکو ۹۵ سلنه تعرفې له منځه ځي.

تمه کېږي چې د دې سفر پر مهال دواړه مشران د سوداګرۍ، پانګونې، اقتصادي همکاریو او د دوه‌اړخیزو اړیکو د پراختیا په اړه خبرې وکړي.

مولوی امیرخان متقی سرپرست وزارت امور خارجه حکومت طالبان در سفر به تهران با داکتر سید عباس عراقچی وزیر امور خارجه ایران دیدار و درباره گسترش روابط دوجانبه توسعه همکاری‌ها و آخرین تحولات منطقه‌ای گفت‌وگو کرد.در این دیدار، متقی ضمن ابراز تسلیت به مناسبت درگذشت رهبر پیشین انقلاب اسلامی ایران موضع حکومت طالبان را در قبال حملات امریکا و اسرائیل به ایران تشریح کرد و ابراز امیدواری نمود که روند گفت‌وگوهای جاری به پایان کامل جنگ و برقراری ثبات منجر شود.در مقابل، عراقچی از موضع مورد بحث استقبال کرد و با تأکید بر روند رو به رشد روابط کابل و تهران بر ادامه همکاری‌ها و تقویت مناسبات میان دو کشور تأکید کرد .

په ملګرو ملتونو کې د امریکا استازي مایک والټز د منځني ختیځ په اړه د امنیت شورا د بېړنۍ غونډې پر مهال ایران ته سخت خبرداری ورکړ او ویې ویل چې د امریکا د ولسمشر ډونالډ ټرمپ «حوصله نامحدوده نه ده».

والټز له ایرانه وغوښتل چې خپل بریدونه ودروي او د ملګرو ملتونو د امنیت شورا پرېکړو او نړیوالو مکلفیتونو ته غاړه کېږدي.

هغه د تېرې اوونۍ د ایران هغو بریدونو ته اشاره وکړه چې د امریکا له هوايي بریدونو وروسته ترسره شوي وو، او ویې ویل: «ایا ایران حق لري پر کوېټ برید وکړي او په نړیوالو اوبو کې د پاناما او سنګاپور په بیرغ لرونکو ملکي بېړیو بریدونه وکړي؟ ایا دا د ملګرو ملتونو د منشور د ۵۱مې مادې له مخې مشروع دفاع بلل کېدای شي؟ زما په اند، هېڅکله نه.»

مایک والټز ټینګار وکړ چې د ایران وروستي بریدونه له نړیوالو قوانینو سره په ټکر کې دي او زیاته یې کړه: «نړۍ نور د دې وضعیت د زغملو توان نه لري. ایران باید د امنیت شورا هغو مکلفیتونو ته درناوی وکړي چې شورا یې په اتفاق تصویب کړي، او نړیواله ټولنه باید دغه رژیم د خپلو کړنو حساب ورکولو ته اړ کړي.»

د هند لپاره د ایران استازي ویلي، چې د امنیتي اندېښنو له امله به د ایران نوی مذهبي مشر مجتبی خامنه‌یي د خپل پلار، ایت‌الله علي خامنه‌یي، د جنازې په مراسمو کې ګډون ونه کړي.

د هند استازي، آیت‌الله حکیم الهي، د انډیا ټودی ټلوېزیون ته ویلي، د ایران د مشرانو پر وړاندې د اسرائیلو دوامداره ګواښونه د دې پرېکړې اصلي لامل دي.

دا څرګندونې وروسته له هغې کېږي چې د اسرائیلو د دفاع وزیر، اسرائیل کاتز، ګواښ کړی و چې مجتبی خامنه‌یي د مرګ لپاره په نښه شوی دی.

ایران د دې ګواښ په غبرګون کې خبرداری ورکړی، چې د خپلو مشرانو پر وړاندې هر ډول راتلونکی ګواښ به له قوي ځواب سره مخ شي.

ایت‌الله علي خامنه‌یي د فبرورۍ په ۲۸مه د ایران پر وړاندې د جګړې په پیل کې د امریکا او اسرائیلو په هوایي بریدونو کې په نخښه او ووژل شو او ويل کېږي چې د راتلونکې پنجشنبې ورځ یې د تدفين مراسم ترسره شي.

وزارت صحت عامه حکومت طالبان اعلام کرده است که کار ساخت بخش نیمه‌تمام تعمیر چهارطبقه شفاخانه تخصصی و ثالثی وزیر محمد اکبر خان با هزینه ۴۰ میلیون افغانی از سر گرفته شده و قرار است طی دو ماه آینده تکمیل و به بهره‌برداری سپرده شود.به گفته این وزارت در این تعمیر اتاق‌های مجهز عملیات بخش پیشرفته تشخیصیه و بسترهای معیاری ایجاد خواهد شد.قاری عبدالولی صدیقی معین مالی و اداری وزارت صحت عامه، گفته است که با تکمیل این پروژه، کیفیت خدمات صحی در این شفاخانه بهبود یافته و امکانات معیاری و سهولت‌های بیشتری برای بیماران فراهم خواهد شد.

د طالبانو د حکومت وياند ذبيح‌الله مجاهد په تازه مرکه کې ويلي چې ولس له دوی سره هماهنګي لري او هره برخه کې ورسره درېږي.

هغه ويلي چې ممکن پاکستان د نورو په اشارو او د پروژو د اخيستو په بدل کې په افغانستان باندې بريدونه ترسره کوي.

نوموړي زیاته کړې چې له تېرو څو کلونو راهيسې پاکستان د نورو په اشارو او د نورو د ګټو لپاره اقدامات کوي.

هغه دغه راز ويلي چې د پاکستان ګټه له افغانستان سره جګړه کې نه ده او په وينا یې د سوداګريزو لارو تړلو پاکستان ته ډېر زیانونه اړولي دي.

مجاهد يو ځل بیا ويلي چې پاکستان کې يوه خاصه اجيره پوځي حلقه ده چې په افغانستان بريدونه کوي او زیاته کړې چې دغې حلقې ته د پاکستان ګټې او موخې هم ارزښت نه لري.

هغه دا هم ويلي:« پاکستان کې موږ خواخوږي لرو، د پاکستان ولس، ديني علما او ځینې سیاسي احزاب نه غواړي چې افغانستان سره دې پاکستان جګړه کې ښکېل شي؛ خو هلته اجیره پوځي حلقه حاکمه ده چې د خپل ولس خبره هم نه مني او له بهر څخه يې اجنډا اخيستې.»

ذبیح الله مجاهد ويلي چې د خاورې دفاع د دوی مشروع حق دی او که له هرې لارې وي له پاکستان څخه به غچ اخلي.