د طالبانو د حکومت د ټولګټو وزارت وایي، د روان کال په چنګاښ میاشت کې د افغانستان د رېل پټلیو له لارې له ۷۱۶ زره ټنو ډېر وارداتي، صادراتي او ترانزیټي توکي لېږدول شوي دي.
د وزارت په وینا، دغه انتقالات د حیرتان، اقینې، تورغنډۍ او خواف–هرات د رېل پټلیو له لارې ترسره شوي دي.
دا په داسې حال کې ده چې له پاکستان سره د سوداګریزو او ټرانزېټي لارو له تړل کېدو وروسته، د منځنۍ آسیا له هېوادونو سره د افغانستان سوداګري او راکړه ورکړه زیاته شوې.
د نړیوال بانک راپور ښیي چې د افغانستان شاوخوا ۴۸ سلنه واردات له منځنۍ اسیا او ۴۶ سلنه له ایران سره ترسره کیږي.
