راپورونه وايي، اسرائیلي ځواکونو تېره شپه د غزې تړانګې په بېلابېلو سیمو کې هوايي بریدونه ترسره کړي چې له امله یې لږ تر لږه ۹ فلسطینیان وژل شوي دي.
د راپورونو له مخې، د وژل شویو کسانو په منځ کې څلور ماشومان هم شامل دي.
همداراز په دغو بریدونو کې یو شمېر نور کسان ټپیان شوي او روغتیايي سرچینو د ځینو ټپیانو وضعیت هم د اندېښنې وړ بللی دی.
ویل کېږي چې اسرائیلي الوتکو د غزې په بېلابېلو سیمو کې لږ تر لږه څلور هوايي بریدونه ترسره کړي او د استوګنې ځینې ودانۍ یې په نښه کړې دي.
راپورونه وايي، د شمالي کوریا مشر کیم جونګ اون د اټومي موادو د تولید له یوې نوې فابریکې څخه د لیدنې پر مهال د هېواد د اټومي وسلو د پروګرام د لا پراختیا غوښتنه کړې ده.
د شمالي کوریا دولتي رسنیو ویلي، کېم جونګ اون د فابریکې د بېلابېلو برخو له کتنې وروسته مسؤلینو ته سپارښتنه کړې چې د اټومي موادو د تولید بهیر لا پیاوړی کړي او د تولید ظرفیتونه لوړ کړي.
نوموړي ټینګار کړی چې د هېواد د دفاعي ځواک د پیاوړتیا لپاره د اټومي صنعت پراختیا بنسټیز اهمیت لري.
هغه ویلي چې په اوسنیو نړیوالو شرایطو کې شمالي کوریا اړتیا لري خپلې ستراتیژیکې وړتیاوې لا پیاوړې کړي، څو د هر ډول احتمالي ګواښ پر وړاندې د مخنیوي ځواک وساتي.
د ده په وینا، د اټومي موادو تولید او د اړوندو ټکنالوژیو پرمختګ باید په دوامداره توګه تعقیب شي.
د ایټالیا لومړۍ وزیرې جورجيا ملوني په دغه هېواد کې د درېیو افغانانو او یو پاکستاني د ژوندي سوځولو د پېښې په اړه ژوره خواشیني څرګنده کړې او دا یې وحشتناک جنایت بللی دی.
ملوني په خپلې اېکسپاڼې لیکلي چې دې پېښې سخت ټکان ورکړی او ټینګار یې کړی چې د پېښې ټول جزئیات او اړخونه باید په بشپړه توګه وڅېړل شي، څو حقیقت روښانه او مسؤل کسان عدالت ته وسپارل شي.
نوموړې زیاته کړې چې د داسې تاوتریخوالي او بېرحمۍ لپاره هېڅ توجیه نشته او د قانون پلي کوونکي بنسټونه باید د عاملینو د محاکمې لپاره لازم اقدامات وکړي.
د ایټالیا لومړۍ وزیرې د قربانیانو له کورنیو سره هم خپله خواخوږي څرګنده کړې او د هغوی د درد په دې سخت وخت کې یې د ملاتړ ډاډ ورکړی دی.
د امریکا استازو جرګې، چې جمهوري غوښتونکي پکې اکثریت لري، یو پرېکړهلیک تصویب کړی چې موخه یې له ایران سره د امریکا د پوځي ښکېلتیا د پراخېدو مخنیوی بلل شوی دی.
د راپورونو له مخې، دغه پرېکړهلیک د ۲۱۵ موافقو او ۲۰۸ مخالفو رایو په ترلاسه کولو سره تصویب شو.
په رایهاچونه کې څلورو جمهوري غوښتونکو استازو هم د ډیموکراتانو ترڅنګ د طرحې ملاتړ وکړ.
دا اقدام د امریکا په کانګرس کې د ایران سره د احتمالي پوځي شخړې په اړه د اندېښنو د زیاتېدو څرګندونه ګڼل کېږي، او ښيي چې ځینې جمهوري غوښتونکي غړي هم د جګړې د پراخېدو په اړه اندېښمن دي.
د پرېکړهلیک له مخې، له ډونالډ ټرمپ څخه غوښتل شوي چې امریکايي ځواکونه له ایران څخه وباسي، مګر هغه مهال چې د امريکا کانګرس په رسمي ډول د جګړې اعلان وکړي یا د پوځي ځواک کارولو ته اجازه ورکړي.
پاکستان په افغانستان کې د پاتې شویو پرمختللو وسلو او پوځي تجهیزاتو په اړه اندېښنه څرګنده کړې او هغه یې د خپل امنیت لپاره ستر خطر بللی دی.
په ملګرو ملتونو کې د پاکستان د دایمي استازولۍ سلاکار سيد عاطف رضا د «کوچنیو او سپکو وسلو په اړه د ملګرو ملتونو د عمل پروګرام» د غړو هېوادونو نهمې غونډې ته په وینا کې ویلي چې په افغانستان کې موجودې پرمختللې وسلې او تجهیزات نه یوازې پاکستان، بلکې د افغانستان ټولو ګاونډیو هېوادونو ته هم احتمالي ګواښ پېښوي.
هغه ویلي، دا وسلې او پوځي تجهیزات ښايي د ترهګرو ډلو لاس ته ولوېږي او د دغو ډلو پوځي او عملیاتي وړتیاوې لا پیاوړې کړي.
د نوموړي په وینا، د وسلو غیرقانوني لېږد او خپرېدل د سیمې د امنیت او ثبات لپاره جدي ننګونه ده.
سید عاطف رضا له نړیوالې ټولنې غوښتي چې د وسلو د خپرېدو او ناقانونه قاچاق د مخنیوي لپاره ګډ او اغېزمن اقدامات وکړي، څو د ترهګرو او ناقانونه وسلهوالو ډلو لاسرسی ورته محدود شي.
د امریکا د بهرنیو چارو وزیر مارکو روبيو تایید کړې چې د امریکا ولسمشر ډونالډ ټرمپ به د جولای په میاشت کې په ترکیه کې د ناټو د مشرانو په غونډه کې ګډون وکړي.
روبیو ویلي: «زما په اند د جولای په میاشت کې د ناټو او ترکیې راتلونکې غونډه ښايي د ناټو په تاریخ کې تر ټولو مهمه غونډه وي، ځکه ځینې داسې موضوعات شته چې باید روښانه او اصلاح شي.»
هغه زیاته کړې: «ولسمشر به خپله هم په دې غونډه کې ګډون وکړي.»
د طالبانو حکومت په ایټالیا کې د درې افغان کډوالو د وژل کېدو پېښه غندلې ده.
د طالبانو د حکومت د بهرنیو چارو وزارت ویاند، عبدالقهار بلخي، د ایټالیا د کوزنزا ولایت د امېندولارا په سیمه کې د درې افغان کډوالو د وژل کېدو پېښه زړه بوږنوونکې او غیرانساني بللې او د قربانیانو له کورنیو او خپلوانو سره یې خواخوږي څرګنده کړې ده.
بلخي پرته له دې چې د پېښې د شکمنو کسانو هویت ته اشاره وکړي، د ایټالیا له حکومت غوښتي چې د پېښې په اړه هر اړخیزې، رڼې او دقیقې څېړنې ترسره کړي او عاملان یې عدالت ته وسپاري.
د راپورونو له مخې، درې افغان او یو پاکستانی کډوال په یوه موټر کې ژوندي سوځول شوي دي.
د دې پېښې په تړاو دوه پاکستاني وګړي نیول شوي او ویل کېږي چې د کار او مزد د پیسو پر سر د رامنځته شوي اختلاف له امله دغه پېښه رامنځته شوې ده.
د طالبانو حکومت په ایټالیا کې د درې افغان کډوالو د وژل کېدو پېښه غندلې ده.
د طالبانو د حکومت د بهرنیو چارو وزارت ویاند، عبدالقهار بلخي، د ایټالیا د کوزنزا ولایت د امېندولارا په سیمه کې د درې افغان کډوالو د وژل کېدو پېښه زړه بوږنوونکې او غیرانساني بللې او د قربانیانو له کورنیو او خپلوانو سره یې خواخوږي څرګنده کړې ده.
بلخي پرته له دې چې د پېښې د شکمنو کسانو هویت ته اشاره وکړي، د ایټالیا له حکومت غوښتي چې د پېښې په اړه هر اړخیزې، رڼې او دقیقې څېړنې ترسره کړي او عاملان یې عدالت ته وسپاري.
د راپورونو له مخې، درې افغان او یو پاکستانی کډوال په یوه موټر کې ژوندي سوځول شوي دي.
د دې پېښې په تړاو دوه پاکستاني وګړي نیول شوي او ویل کېږي چې د کار او مزد د پیسو پر سر د رامنځته شوي اختلاف له امله دغه پېښه رامنځته شوې ده.
امریکایي رسنیو ويلي، افغان الاصله امریکايۍ سیاستواله او د کلیفورنیا ایالتي سناتوره عایشه وهاب د کلیفورنیا د ۱۴مې کانګرس حوزې د استازولۍ لپاره د ټاکنو په لومړنیو پایلو کې لومړی مقام خپل کړی دی.
د لومړنیو پایلو له مخې، عایشه وهاب ۳۶ سلنه رایې ترلاسه کړې او د ډبلین پخوانۍ ښارواله ملیسا هرنانډیز د ۱۶ سلنه رایو په ترلاسه کولو دویم مقام خپل کړی دی.
عایشه وهاب، له ۲۰۲۲ کال راهیسې د کلیفورنیا د ایالتي سنا غړې ده او تر دې وړاندې یې د هایوارډ ښاروالۍ شورا کې هم دنده ترسره کړې ده.
نوموړې د کلیفورنیا د سنا لومړنۍ افغان الاصله او مسلمانه غړې بلل کېږي.
دغه ټاکنیزه سیالي وروسته له هغې رامنځته شوه چې د کانګرس پخواني غړي اېرېک سوالویل د جنسي ناسم چلند د تورونو له راپورته کېدو وروسته له خپلې دندې استعفا ورکړه او د والي له ټاکنیزې مبارزې هم ووت.
د ایران د بهرنیو چارو وزیر عباس عراقچي په ټولنیزه شبکه ایکس کې لیکلي چې د دغه هېواد وسله وال ځواکونه د دفاعي بریدونو په حال کې دي.
هغه ویلي: «زموږ وسله وال ځواکونه د مشروع ځاندفاع د حق په چوکاټ کې پر هغو ځایونو بریدونه کوي چې له هغه ځایه متحده ایالاتو ته اجازه ورکول کېږي څو د ملکي کښتیو پر ضد بریدونه وکړي او اوربند نقض کړي.»
عراقچي همدارنګه ټینګار کړی: «هر ډول دښمنانه اقدام به له سمدستي او قاطع ځواب سره مخ شي.»