په ایران کې مېشتې افغان نجونې او ښځې هم د هرات د ښځو د ملاتړ لپاره د یو لاریون په ترڅ کې د طالبانو د حکومت د سفارت مخې ته راټولې شوې.

لاریون کوونکو د «زده ‌کړو، کار او ازادۍ» شعارونه ورکول او په افغانستان کې د ښځو د حقونو د وضعیت په اړه یې خپله اندېښنه څرګنده کړه.

دوی له افغانو ښځو سره خپل پیوستون اعلان کړ او له نړیوالې ټولنې یې وغوښتل چې د ښځو د حقونو، انساني کرامت او بنسټیزو آزادیو د ملاتړ لپاره لا زیات عملي ګامونه واخلي.

هم مهاله په پاکستان کې هم معترضې ښځې په افغانستان دننه د ښځو او نجونو د ملاتړ لپاره په اعتراضیه لاریون راوتلې وې او د افغان ښځو لپاره یې د عدالت او آزادۍ غږ پورته کړ.

په پاکستان کې د «آزادگان در تبعید» (په جلاوطنۍ کې آزادۍ غوښتونکي) غورځنګ فعالانو په هرات کې له ښځو سره د پیوستون او یووالي په موخه لاریون وکړ.

د یاد غورځنګ معترضو ښځو په هرات کې د طالبانو له لوري د ښځو او نجونو نیول کېدل او د پرونیو لاریونونو ځپل وغندل.

دوی د افغان ښځو د کړاوونو د پای ته رسېدو غوښتنه وکړه او عدالت او آزادۍ ته یې د افغان ښځو پر اړتیا ټینګار وکړ.

معترضو ښځو همداراز د لاریون پر مهال د عدالت، آزادۍ، زده کړو، بیان آزادۍ، مبارزې او ژمنتیا شعارونه بدرګه کول.

یو شمېر سرچینې وایي، د افغانستان کرکټ ملي لوبډلې مخکښ توپ اچوونکی راشد خان په هند کې د را روانې یو ورځنۍ لوبلړۍ لپاره له ملي لوبډلې سره یوځای شوی.

ښاغلی خان چې د هند پر وړاندې ټېسټ لوبه کې نه و، په خواله رسنیو ډېری کرکټ شننونکو دا آوازه خپره کړې وه چې نوموړی نه غواړي یو ورځنۍ لوبلړۍ کې هم ولوبیږي.

راشد خان د آی پي اېل له پای ته رسېدو وروسته بېرته لندن ته ګرځېدلی و او ټېسټ لوبه کې د افغان لوبډلې برخه نه و. خو نوموړي څه موده وړاندې ویلي و چې غواړي د یو څه مودې لپاره په ټېسټ کرکټ تمرکز کم کړي څو د یو ورځني نړیوال جام لپاره فېټ او چمتو پاتې شي.

هند د سند د اوبو د تړون تر ځنډولو وروسته پاکستان ته د بهېدونکو اوبو د محدودولو لپاره عملي اقدامات پیل کړي دي.

د راپورونو له مخې، د هند حکومت د هغو پروژو د چټکولو پرېکړه کړې چې د پاکستان پر لور د بهېدونکو اوبو د مدیریت او کنټرول وړتیا زیاتوي.

دا اقدامات وروسته له هغه ترسره کېږي چې نوي ډیلي د هند تر ولکې لاندې کشمیر کې له وروستي برید وروسته د ۱۹۶۰ کال د سند د اوبو تړون وځنډاوه.

هندي چارواکو ویلي چې د تړون له ځنډېدو وروسته هند نور د هغو محدودیتونو پابند نه دی چې د پاکستان لپاره د اوبو د بهیر په اړه موجود وو.

د راپورونو له مخې، هند غواړي د خپلو بندونو، کانالونو او زېرمه‌کوونکو تاسیساتو ظرفیت پراخ کړي، څو د سیندونو اوبه په مؤثر ډول مدیریت کړي.

پاکستان د هند دغه پرېکړه اندېښمنونکې بللې او ټینګار یې کړی چې د اوبو هر ډول محدودول به د نړیوالو قوانینو او د دواړو هېوادونو ترمنځ د پخوانیو هوکړو خلاف اقدام وي.

پس از آن که بامداد چهارشنبه آمریکا در پاسخ به ساقط شدن یک بالگرد خود در دریای عمان چندین حمله هوایی به نقاطی در جنوب ایران انجام داد، قرارگاه خاتم الانبیا از حملات متقابل سپاه پاسداران و ارتش ایران به پایگاه‌های آمریکا در کشورهای بحرین، کویت و اردن خبر داد و مدعی شد ۲۱ هدف مورد حمله قرار گرفته است.

ارتش آمریکا هم اعلام کرد طی سه موج حمله به ۲۰ نقطه، رادارها، سیستم پدافندی و موشکی ایران را هدف قرار داده است.

همچنان سنتکام پس از موج سوم این حملات از پایان عملیات خود در واکنش به ساقط شدن بالگرد آپاچی خود خبر داد.

‏در پی تنش ها میان دو کشور همسایه افغانستان و پاکستان شب گذشته بار دیگر پاکستان غیر نظامیان در افغانستان را هدف قرار داد.

کریم خرم، رئیس پیشین دفتر رئیس‌جمهوری پیشین افغانستان حامد کرزی، گفته است که پاکستان بار دیگر افغانستان را بمباران کرده و زنان و کودکان را به قتل رسانده است.

آقای خرم در صفحه ایکس خود نوشته است که کشتن انسان‌ها، به‌ویژه غیرنظامیان، یک عمل نفرت‌انگیز است.

او نوشته است: «من کشتن انسان‌ها، به‌ویژه غیرنظامیان را یک عمل نفرت‌انگیز می‌دانم، اما در این درگیری جاری میان پاکستان و افغانستان باور دارم که اگر TTP می‌توانست عملیات‌های خود را در داخل پنجاب انجام دهد، اکنون این درگیری خیلی وقت پیش پایان یافته بود. اسلام‌آباد خودش آن را خاتمه می‌داد.»

د ملي پراختیا شرکت له لوري سوداګرو او صنعت‌کارانو ته د سرپل ولایت د بلخاب ولسوالۍ د تګاب تخت، ګلورز او ګواخ سیمو د سکرو د پلور اعلان شوی دی.

د شرکت په وینا، د دغو کانونو سکاره د لوړې حرارتي کچې لرونکي دي او په مناسبو تعرفو او مالیو بازار ته وړاندې کېږي، څو د تولیدي لګښتونو په کمولو او د صنعتي فعالیتونو په پیاوړتیا کې مرسته وکړي.

ملي پراختیا شرکت ویلي چې د سکرو د لېږد، بارولو او سپارلو په بهیر کې هم لازمې اسانتیاوې برابرې شوې دي، ترڅو سوداګر او صنعت‌کاران وکولای شي په اسانه توګه له دې فرصت څخه ګټه واخلي.

د مشرانو جرګې پخواني رئيس، فضل الهادي مسلمیار، د خوست، کونړ او پکتیکا ولایتونو پر یو شمېر سیمو د پاکستاني پوځ د وروستیو هوایي بریدونو په غبرګون کې ویلي چې د ملکي وګړو پر کورونو بمبار کول، د ښځو او ماشومانو په نښه کول «ستر جنایت او نه بښونکی عمل» دی.

مسلمیار ویلي، د پاکستان پوځ په وار وار ملکي وګړي او عامه ځایونه په نښه کوي او نړیواله ټولنه او ملګري ملتونه باید د دغو «خپلسرو او وحشیانه» بریدونو په اړه له پاکستانه حساب وغواړي.

نوموړي دا بریدونه د افغانستان پر ملي حاکمیت ښکاره تېری بللی دی.

هغه ټینګار کړی چې دا ډول بریدونه نه پخوا بې ځوابه پاتې شوي او نه به هم په راتلونکي کې بې ځوابه پاتې شي.

د طالبانو حکومت د بهرنیو چارو وزارت مالي او اداري مرستیال محمد نعيم وردګ ویلي چې د پاکستان د پوځي رژیم له لوري پر افغانستان مکرر بریدونه نه یوازې د دواړو هېوادونو د خلکو ترمنځ د کرکې سبب شوي، بلکې افغانان یې دې ته هڅولي چې د خپلې خاورې او خلکو د دفاع لپاره خپل تدابیر نور هم پیاوړي کړي.

وردګ زیاته کړې چې افغانان به له هرې ممکنې لارې د خپلې خاورې او خلکو د دفاع لپاره چمتو وي او په وینا یې، د دښمن د تېریو جرئت به په راتلونکي کې له منځه ولاړ شي.

هغه ليکلي:«‏د پاکستان پوځي رژیم پر افغان خاوره د خپلو مکررو تېریو په نتیجه کې نه تنها د دواړو هېوادونو د ولسونو له کرکې سره مخ شوی، بلکي دې ناروا کړنو افغانان وهڅول چې له هرې ممکنې لارې ډېر ژر د خپلې خاورې او خلکو دفاع یقیني کړي او له دښمن به د ورته تېریو جرئت د تل لپاره واخلي، ان شاءالله.»

د کینیا ولسمشر ويليام روتو د هند لومړي وزیر نریندرا مودي ته د هند په تاریخ کې د تر ټولو اوږدې مودې لپاره د ټاکل شوي لومړي وزیر په توګه د خدمت کولو د تاریخي ریکارډ مبارکي ورکړې ده.

روتو ویلي، دا لاسته راوړنه د هند د خلکو هغه باور او اعتماد څرګندوي چې په نړۍ کې د تر ټولو سترې دیموکراسۍ په چوکاټ کې یې د درېیو پرله‌پسې دورو لپاره مودي مشرتابه کړی دی.

د کینیا ولسمشر د مودي ژوند ته په اشارې ویلي چې د هغه له ساده او عادي پیل څخه تر دې لوړ سیاسي مقام پورې رسېدل د ژمنتیا، زغم او عامه خدمت یوه څرګنده بېلګه ده.

هغه همداراز ټینګار کړی چې کینیا له هند سره خپلې پیاوړې او دوامدارې اړیکې ارزښتمنې ګڼي او هیله لري چې د دواړو هېوادونو ترمنځ همکاري به د خلکو د ګډو ګټو لپاره لا نوره هم پراخه شي.

روتو په پای کې د هند لومړي وزیر ته د بریالیتوبونو او د هند ولس ته د لا ډېرو خدمتونو هیلې څرګندې کړې دي.