د ملي پراختیا شرکت له لوري سوداګرو او صنعتکارانو ته د سرپل ولایت د بلخاب ولسوالۍ د تګاب تخت، ګلورز او ګواخ سیمو د سکرو د پلور اعلان شوی دی.
د شرکت په وینا، د دغو کانونو سکاره د لوړې حرارتي کچې لرونکي دي او په مناسبو تعرفو او مالیو بازار ته وړاندې کېږي، څو د تولیدي لګښتونو په کمولو او د صنعتي فعالیتونو په پیاوړتیا کې مرسته وکړي.
ملي پراختیا شرکت ویلي چې د سکرو د لېږد، بارولو او سپارلو په بهیر کې هم لازمې اسانتیاوې برابرې شوې دي، ترڅو سوداګر او صنعتکاران وکولای شي په اسانه توګه له دې فرصت څخه ګټه واخلي.
