د افغانستان د وروستي جمهوري نظام د کورنیو چارو مرستیال وزیر صدیق صدیقي د خلیلزاد د میرمنې وروستۍ څرګندونې غیرمسؤلانه او یو اړخیزه ادعا بللې.
ښاغلي صدیقي لیکلي هېڅوک نشي کولای د دوحې تړون ناکامي سپين او یا توجیه ورته پیدا کړي.
د وروستي جمهوري نظام دغه امنیتي چارواکي نیوکه کړې، چې واک ته د طالبانو تر ستنېدو وروسته، دغو ترهګرو زرګونه کسان وژلي او بندیان کړي، میلیونونه ښځې یې تر ظلم لاندې راوستلي او له خپلو بنسټیزو حقونو یې بې برخې کړې دي.
صدیق صدیقي لیکي:«هیڅوک خوندي نه دي!»
