د طالبانو حکومت د بهرنیو چارو وزیر د هند د بهرنیو چارو وزیر په رسمي بلنه نن نوي دهلي ته سفر وکړ.
د طالبانو حکومت د بهرنیو چارو وزارت مرستیال ویاند حافظ ضیاء احمد تکل ویلي، تمه ده د دې سفر پر مهال د دواړو هېوادونو د بهرنیو چارو وزیران او نور لوړپوړي چارواکي د سیاسي، اقتصادي، تجارتي او سیمهییزو اړیکو د پراختیا په اړه بحثونه وکړي.
تکل زیاته کړې چې دا سفر د افغانستان او هندوستان ترمنځ د اړیکو د لا نږدې کېدو په موخه ترسره کېږي.
