د امریکا د بهرنیو چارو وزیر، مارکو روبیو، وايي چې د طالبانو د ترهګرو ډلو په لېست کې د بیا شاملېدو موضوع یو ځل بیا د ارزونې لاندې ده.
روبیو دغه څرګندونې د امریکا د کانګرس په یوه غونډه کې د کانګرس غړي، ټيم بورچت، د یوې پوښتنې په ځواب کې کړې.
نوموړي ویلي، چې امریکا د طالبانو له ماهیت او تېرو کړنو څخه ښه خبره ده او دا مسئله به د امریکا د راتلونکو سیاستونو په جوړولو کې مهم رول ولري.
هغه زیاته کړې، چې دا ارزونه د افغانستان په اړه د واشنګټن د راتلونکې ستراتیژۍ یوه برخه ده.
