د اسرائیل لومړي وزیر بنیامین نتنیاهو خبر ورکړی چې واشنګټن ته په سفر روان شوی او هلته به د امریکا له ولسمشر ډونالډ ټرمپ سره وویني.

نتنیاهو په خپله اېکس پاڼه لیکلي:«دا به د ټرمپ له بیا ټاکل کېدو راهیسې له هغه سره زما اتمه لیدنه وي.»

نوموړي زیاته کړې چې په دې لیدنه کې به د ایران مسله د خبرو په سر کې وي او اصلي موخه یې د اسرائیل د امنیت ډاډمنول، د پوځي توان پیاوړي کول او د سولې د پروسې پراخول دي.

د اسرائیلو لومړي وزیر همداراز ویلي، د دغه رسمي سفر پر مهال به د سناتور لینډسي ګراهام د جنازې او درناوي مراسمو کې هم ګډون وکړي او هغه یې د اسرائیل تاریخي او ریښتینی ملګری وباله.

د بلوچستان ملي ګوند مشر سردار اختر جان مینګل خبرداری ورکړی چې که د بلوچستان ستونزې حل نه شي، د بنګله دېش تاریخ به بیا تکرار شي او بلوچستان به له پاکستانه جلا شي.

نوموړي وویل، که د خلکو د صبر کاسه ډکه شي او نارضایتي، اجباري ورکېدنې او د امنیتي ادارو اوسنی چلند همدا ډول دوام وکړي، نو پایله به یې ډېره خرابه وي.

اختر مینګل د اسلام اباد پر پالیسیو د نیوکې ترڅنګ زیاته کړې چې د ولس او فدرالي حکومت ترمنځ واټن ورځ تر بلې مخ پر زیاتېدو دی.

د افغان- ازبک سوداګریز فورم په لړ کې د دواړو هېوادونو سوداګرو او پانګه‌والو د ۲۰۰ میلیونو ډالرو په ارزښت ۲۲ بېلابېل هوکړه‌لیکونه لاسلیک کړل.

په دغه فورم کې د طالبانو د حکومت د صنعت او سوداګرۍ وزیر نورالدین عزیزي وویل، د کابل او تاشکند ترمنځ اقتصادي او سوداګریزې اړیکې د پراختیا او پرمختګ په حال کې دي او موخه دا ده چې د دواړو هېوادونو ترمنځ د سوداګرۍ کچه ۵ میلیاردو ډالرو ته لوړه شي.

هم مهاله په دې فورم کې د ازبکستان د لومړي وزیر مرستیال جمشید خواجه‌یف وویل افغانستان پراخ اقتصادي ظرفیت لري او تاشکند د دواړو هېوادونو ترمنځ د سوداګرۍ د اسانتیا او پراختیا لپاره اقدامات په پام کې نیولي دي.

دا په داسې حال کې ده چې په دې وروستیو کې د افغانستان او ازبکستان ترمنځ سوداګریزې اړیکې پراخې او راکړه ورکړه زیاته شوې ده.

په سویس کې د افغانستان د امانت صندوق غړي ډاکټر انورالحق احدي ویلي، د افغانستان د کنګل شویو پیسو ارزښت ۴.۲ میلیارد ډالرو ته لوړ شوی دی.

نوموړي زیاته کړې، دغو پیسو ۷۰۰ میلیونه ډالره ګټه کړې او تر اوسه ترې هېڅ مصرف نه دی شوی. په وینا یې، د حالاتو له عادي کېدو سره به دا ټولې پیسې بېرته د افغانستان ملي بانک ته وسپارل شي.

احدي دا خبرې د «افغانستان اقتصادي او سیاسي وضعیت؛ واقعیتونه او راتلونکی لید» تر عنوان لاندې د افغانستان د پوهانو او متخصصانو په آنلاین غونډه کې کړې دي.

هغه همداراز ویلي، په امریکا کې د پاتې ۳.۵ میلیارد ډالرو په اړه دوو محکمو د افغانستان په ګټه پرېکړه کړې او تمه ده چې وروستۍ محکمه هم د دې پیسو د ازادېدو حکم ورکړي.

قیمت نفت خام برنت، شاخص جهانی قیمت نفت در معاملات صبح دوشنبه با ادامه توقف حملات متقابل میان آمریکا و ایران نزدیک به ۵ درصد کاهش یافت و به حدود ۹۲ دلار در هر بشکه رسید تحلیلگران می‌گویند کاهش نگرانی‌ها درباره اختلال در عرضه نفت و افزایش امید به ادامه تلاش‌های دیپلماتیک از عوامل اصلی افت قیمت بوده است.

بر اساس گزارش‌ها از شام روز پنج‌شنبه تاکنون حمله تازه‌ای میان آمریکا و ایران گزارش نشده و هم‌زمان تلاش‌های میانجی‌ گرانه برای کاهش تنش‌ها ادامه دارد بازارهای جهانی نیز به این تحولات واکنش مثبت نشان داده‌اند و قیمت نفت پس از هفته‌ها نوسان، روند نزولی گرفته است.

در همین حال، گزارش شده است که بنیامین نتانیاهو نخست‌وزیر اسرائیل امروز برای دیدار با مقام‌های آمریکایی به واشنگتن سفر می‌کند سفری که انتظار می‌رود محور اصلی آن تحولات اخیر خاورمیانه و وضعیت ایران باشد.

قیمت نفت خام برنت، شاخص جهانی قیمت نفت در معاملات صبح دوشنبه با ادامه توقف حملات متقابل میان آمریکا و ایران نزدیک به ۵ درصد کاهش یافت و به حدود ۹۲ دلار در هر بشکه رسید تحلیلگران می‌گویند کاهش نگرانی‌ها درباره اختلال در عرضه نفت و افزایش امید به ادامه تلاش‌های دیپلماتیک از عوامل اصلی افت قیمت بوده است. بر اساس گزارش‌ها از شام روز پنج‌شنبه تاکنون حمله تازه‌ای میان آمریکا و ایران گزارش نشده و هم‌زمان تلاش‌های میانجی‌ گرانه برای کاهش تنش‌ها ادامه دارد بازارهای جهانی نیز به این تحولات واکنش مثبت نشان داده‌اند و قیمت نفت پس از هفته‌ها نوسان، روند نزولی گرفته است. در همین حال، گزارش شده است که بنیامین نتانیاهو نخست‌وزیر اسرائیل امروز برای دیدار با مقام‌های آمریکایی به واشنگتن سفر می‌کند سفری که انتظار می‌رود محور اصلی آن تحولات اخیر خاورمیانه و وضعیت ایران باشد.

د افغانستان نومیالی ډیپلوماټ، څېړونکی او لیکوال عبدالغفور روان فرهادي د امریکا د سانفرانسیسکو په ښار کې د ۹۶ کلونو په عمر له دې نړۍ سترګې پټې کړې.

فرهادي د افغانستان په فرهنګي او ډیپلوماتیکو چارو کې اوږدمهاله خدمتونه کړي وو او له لسو کلونو زیات یې په ملګرو ملتونو کې د افغانستان د استازي په توګه دنده ترسره کړې وه.

هغه خپلې لوړې زده کړې په پاریس او یو شمېر نورو هېوادونو کې کړې وې او د سیاسي، اقتصادي او نړیوالو اړیکو په برخو کې یې ګڼې لیکنې او څېړنې کړې وې.

عبدالغفور روان فرهادي د افغانستان د معاصر ډیپلوماسۍ له پېژندل شویو څېرو څخه ګڼل کېده.

د هغه مړینه د هېواد د فرهنګي او ډیپلوماتیکې ټولنې لپاره د پام وړ ضایعه بلل شوې ده.

په کابل کې د ازبکستان د تولیدي او صنعتي محصولاتو دایمي نندارتون پرانیستل شو؛ هغه نوښت چې موخه یې د افغانستان او ازبکستان ترمنځ د سوداګریزو او اقتصادي همکاریو پراخول او د خصوصي سکټور ترمنځ د اړیکو پیاوړتیا بلل شوې ده.

د خپرې شوې خبرپاڼې له مخې، دغه نندارتون به د ازبکستان د تولیداتو د پېژندنې لپاره د یوه دایمي مرکز په توګه فعالیت کوي او افغان سوداګرو، پانګوالو او شرکتونو ته به دا زمینه برابره کړي چې د ازبکستان له صنعتي ظرفیتونو او تولیداتو سره له نږدې اشنا شي.

چارواکي وایي، د دې مرکز له لارې به د دواړو هېوادونو د خصوصي سکټور ترمنځ همکاري زیاته شي، د سوداګریزو اړیکو د پراختیا لپاره به نوې لارې پرانېستل شي او پانګونې ته به هم ښه فرصتونه برابر شي.

د پرانیستې په مراسمو کې ویناوالو د افغانستان او ازبکستان ترمنځ د اقتصادي اړیکو پر لا پراختیا، د سوداګرو ترمنځ د مستقیمو اړیکو پر اسانتیا او د ګډو سوداګریزو پروګرامونو پر اهمیت ټینګار وکړ.

د خبرپاڼې له مخې، د محصولاتو نندارې ته وړاندې کول، د سوداګریزو غونډو جوړول او د دواړو هېوادونو د شرکتونو ترمنځ د همکاریو پراخول د دې نندارتون له مهمو موخو څخه دي.

افغانستان او ازبکستان په وروستیو کلونو کې د سوداګرۍ، پانګونې، ټرانزیټ او ګډو اقتصادي پروژو د پراختیا لپاره خپلې هڅې زیاتې کړې دي.

د امریکا او ایران ترمنځ له نږدې دوو اوونیو پوځي نښتو وروسته، دواړو لورو د بریدونو د درولو خبر ورکړی او ویلي یې دي چې اوس مهال ډیپلوماسۍ ته د فرصت ورکولو هڅه روانه ده.

په ملګرو ملتونو کې د امریکا سفیر مایک والټز ویلي، ولسمشر ډونالډ ټرمپ د دویمې پرله‌پسې شپې لپاره پر ایران د پوځي بریدونو د نه ترسره کولو پرېکړه کړې، څو د سیاسي او ډیپلوماټیکو هڅو لپاره مناسب فرصت رامنځته شي.

والټز له فاکس نیوز سره په خبرو کې ویلي، سپینه ماڼۍ غواړي د خبرو اترو بهیر ته وخت ورکړي، خو ټینګار یې کړی چې ټرمپ لا هم ټول احتمالي انتخابونه پر مېز ساتلي او د اړتیا په صورت کې هر ډول اقدام کولای شي.

بل لور ته، د ایران د پوځ ویاند محمد اکرمي‌نیا هم ویلي چې تهران په سیمه کې پر امریکايي اډو خپل غچ‌اخیستونکي بریدونه درولي دي.

د هغه په وینا، د ایران وروستي پوځي اقدامات د امریکا د بریدونو په ځواب کې ترسره شوي وو، خو اوس د بریدونو له درېدو سره ایران هم خپل عملیات درولي دي.

هغه ادعا کړې چې د ایران هدف دا و چې واشنګټن د شخړې د پراخېدو پر ځای خبرو ته وهڅوي.

دا پرمختګ داسې مهال رامنځته کېږي چې په تېرو نږدې دوو اوونیو کې امریکا پر ایران پرله‌پسې بریدونه کړي وو او ایران هم په سیمه کې پر امریکايي اډو متقابل بریدونه ترسره کړي وو.

د افغانستان د ترانسپورت او هوايي چلند وزارت د هوا پېژندنې ادارې خبرداری ورکړی چې د دوشنبې په ورځ (د اسد ۵مه) په شپږو ولایتونو کې د سختو بارانونو او ناڅاپي سېلونو د راوتلو احتمال شته.

د ادارې د خبرپاڼې له مخې، نورستان، کونړ، ننګرهار، پکتیا، خوست او پکتیکا هغه ولایتونه دي چې پکې د ۱۰ تر ۲۵ میلی‌مترو پورې ورښت اټکل شوی او ورسره په ځینو سیمو کې د ناڅاپي سېلونو خطر هم شته.

د هوا پېژندنې ادارې همداراز ویلي، په مرکزي، ختیځو، سوېل ختیځو او لوېدیځو ولایتونو کې به د باد چټکتیا په ساعت کې له ۵۰ تر ۹۰ کیلومترو پورې ورسېږي، چې ښايي د خلکو پر ورځني ژوند او تګ راتګ اغېز وکړي.

دا خبرداری په داسې وخت کې ورکول کېږي چې نورستان لا هم د تېرې اوونۍ د ویجاړوونکو سېلونو له ناورین سره مخ دی.

د سیمه‌ییزو چارواکو په وینا، په دغو سېلونو کې له ۳۰ ډېر کسان وژل شوي، لسګونه نور ټپیان او یو شمېر کسان لا هم ورک دي.

د وروستیو معلوماتو له مخې، سېلونو په نورستان کې لسګونه دوکانونه، کورونه او نورې عامه زیربناوې هم ویجاړې کړې دي.

د ملګرو ملتونو د بشري مرستو د همغږۍ دفتر يا اوچا هم ویلي چې زرګونه کسان له دې ناورین څخه اغېزمن شوي او د سرپناه، خوراکي توکو، پاکو اوبو، روغتیايي خدمتونو او حفظ‌الصحې بېړنیو مرستو ته اړتیا لري.