د افغانستان د فوټبال فدراسیون د کانټیننټال نړیوال جام فوټسال سیالیو لپاره د ملي لوبډلې نوملړ اعلان کړ.
د فدراسیون د معلوماتو له مخې، افغانستان به په دې سیالیو کې له روسیې، ویتنام، نیوزیلنډ او کوربه هېواد تایلنډ سره مخامخ شي.
ټاکل شوې د کانټیننټال جام فوټسال سیالۍ د روانې زمري میاشتې په ۱۰مه نېټه پیل شي او د افغانستان ملي لوبډله به د دې نړیوالو سیالیو په ترڅ کې له پیاوړو لوبډلو سره سیالۍ ترسره کړي.
