د امریکا د ولسمشر ډونالډ ټرمپ حکومت د هارورډ پوهنتون اجازه لغوه کړې چې بهرني محصلین ومني.

د امریکا د کورني امنیت وزارت وايي، دا پرېکړه د امنیتي اندېښنو او د یهودي زده‌کوونکو پر وړاندې د تاوتریخوالي له امله شوې ده.

دغه وزارت ادعا کوي چې پوهنتون د چین له یو شکمنې ډلې سره اړیکې درلودې او د مظاهرو پر مهال یې یهودي زده‌کوونکي خوندي نه دي ساتلي.

یاد وزارت ویلي، چې اقدام شاوخوا ۶۸۰۰ نړیوال زده‌کوونکي اغېزمنوي او ښايي راتلونکی کال کې د نویو بهرنیو محصلینو د داخلې مخه ونیسي.

بل لورته هارورډ دا پرېکړه غیرقانوني بللې او وایي له خپلو نړیوالو محصلینو به دفاع وکړي.

هارورډ پوهنتون، چې د امریکا تر ټولو پخوانی تعلیمي بنسټ دی، له ۱۰۰ څخه د زیاتو هېوادونو محصلین لري.

د ایران د بهرنیو چارو وزارت ویاند، اسماعیل بقايي، د امریکا لخوا د ایران د ساختماني سکتور پر ضد نویو بندیزونو ته سخت غبرګون ښودلی.

هغه دا بندیزونه “غیرقانوني، غیرانساني او دښمنانه” بللي او ویلي چې دا اقدامات د ایران د خلکو پر معیشت مستقیم اغېز لري او د بشریت پر ضد جرم ګڼل کېږي.

نوموړي ټینګار کړی چې دا ډول فشارونه به د ایران پرمختګ ونه شي درولی او د امریکا د دیپلوماتیکو هڅو نیت تر سوال لاندې راولي.

دا څرګندونې په داسې حال کې شوي چې ټاکل شوې په روم کې د ایران او امریکا د خبرو پنځم پړاو پیل شي.

امریکا ویلي، دا بندیزونه ځکه لګول شوي چې د ایران ساختماني سکتور له سپاه پاسداران سره تړاو لري، او لس مهم مواد لکه نکل-کروم الیاژ، منیزیم، او پرکلوریټ پکې شامل دي.

د ایران د اسلامي جمهوریت د بهرنیو چارو وزیر عباس عراقچي، د یو پلاوی په مشرۍ نن جمعه له امریکا سره د تهران د اټومي فعالیتونو په اړه د پنځم پړاو خبرو لپاره روم ته روان شو.

ښاغلي عراقچي په خپل ایکس پاڼې ولیکل: «د پرېکړې کولو وخت رارسېدلی دی.»

عراقچي په دې لنډ پیغام کې لیکلي: «د هوکړې د ترلاسه کولو لار د توغندیو توغول نه دي. د اټومي وسلو نه لرل دا مانا لري چې هوکړې ته رسېدل ممکن دي، خو که شرط د غني‌سازۍ دریدل وي، نو پدې مانا ده چې توافق ته نشو رسیدلای.»

‏د سپینې ماڼۍ ویاندې کارولین لویت، په سپینې ماڼۍ کې خبریالانو ته د امریکا د ولسمشر ډونالډ ټرمپ او د اسراییلو لومړي وزیر بنیامین نتانیاهو ترمنځ د «مؤثر» تلیفوني اړیکې په اړه معلومات ورکړل.

لویت زیاته کړه د دواړو هېوادونو مشرانو په واشنګټن کې د اسراییلي سفارت پر دوو کارکوونکو برید وغانده او دا یې یو ترهګریز برید وباله.
د سپینې ماڼۍ ویاندې وویل دواړو مشرانو د ایران اسلامي جمهوریت سره د احتمالي هوکړې په اړه هم بحث وکړ.

د هغې په وینا، ټرمپ لا هم باور لري چې له ایران سره خبرې سم لور ته روانې دي، خو دا خبرداری هم پر ځای پاتې دی چې که هوکړې ته ونه رسېږي، ښايي ناوړه پایلې ولري.

د طالبانو حکومت ویاند ذبیح‌الله مجاهد په بلوچستان کې د زده کوونکو په موټر چاودنه غندلې ، او یوځل بیا یې د پاکستاني چارواکو ادعا رد کړې چې ګواکي دا برید له افغانستان څخه پلان شوې.

ښاغلي مجاهد د ایکس په یوه پیغام کې لیکلي چې پر ماشومانو او ملکیانو برید هېڅکله توجیه کېدای نشي.

نوموړي ویلي چې د دوي حکومت په کلکه د پاکستاني چارواکو دا ادعا ردوي چې دا ډول بریدونه له افغانستان سره تړاو لري.

د طالبانو حکومت ویاند ویلي، پاکستاني چارواکي باید پرته له کوم دلیل او شواهدو افغانستان د دا ډول پېښو مسئول ونه ګڼي.

«نت بلاکس» چې په نړۍ کې د انټرنټ وضعیت د څارولو دنده لري، راپور ورکړی چې د پنجشنبې په ورځ، د “ایکس” ټولنیزه رسنۍ له نړیوالې بې نظمۍ او لنډمهاله بندېدو سره مخ شوې وه.

دغه اختلال د کوم مشخص هېواد د انټرنټي بندیز یا فلټر کولو له امله نه ، بلکې یوه نړیواله تخنیکي ستونزه وه.

د بریتانیا د کورنیو چارو وزارت تازه شمېرې ښيي چې سږکال په دغه هېواد کې د افغان کډوالو د پناه غوښتنې منل نیم په نیمه کم شوي.

له افغان کډوالو سربېره، د ایرانۍ تابعیت لرونکو کسانو د پناه غوښتنې منل له ۸۴ سلنه څخه ۵۸ سلنه ته، او د اریتریا اتباعو له ۹۹ سلنه څخه ۸۶ سلنه ته کم شوي دي.

دا په داسې حال کې ده چې د دغو هېوادونو امنیتي او بشري وضعیت کې کوم لوی بدلون نه دی راغلی، او د افغانستان حالت لا خراب شوی دی.

د بشري حقونو سازمانونه، له دې ډلې د بخښنې نړیوال سازمان ، د بریتانیا د کډوالو تګلارې بدلون اندېښمنوونکی بللی او د هغې د بیا کتنې غوښتنه یې کړې ده.

د امریکا د ولسمشر ډونالډ ټرمپ حکومت د هارورډ پوهنتون اجازه لغوه کړې چې بهرني محصلین ومني.

د امریکا د کورني امنیت وزارت وايي، دا پرېکړه د امنیتي اندېښنو او د یهودي زده‌کوونکو پر وړاندې د تاوتریخوالي له امله شوې ده.

دغه وزارت ادعا کوي چې پوهنتون د چین له یو شکمنې ډلې سره اړیکې درلودې او د مظاهرو پر مهال یې یهودي زده‌کوونکي خوندي نه دي ساتلي.

یاد وزارت ویلي، چې اقدام شاوخوا ۶۸۰۰ نړیوال زده‌کوونکي اغېزمنوي او ښايي راتلونکی کال کې د نویو بهرنیو محصلینو د داخلې مخه ونیسي.

بل لورته هارورډ دا پرېکړه غیرقانوني بللې او وایي له خپلو نړیوالو محصلینو به دفاع وکړي.

هارورډ پوهنتون، چې د امریکا تر ټولو پخوانی تعلیمي بنسټ دی، له ۱۰۰ څخه د زیاتو هېوادونو محصلین لري.

د ایران د بهرنیو چارو وزارت ویاند، اسماعیل بقايي، د امریکا لخوا د ایران د ساختماني سکتور پر ضد نویو بندیزونو ته سخت غبرګون ښودلی.

هغه دا بندیزونه “غیرقانوني، غیرانساني او دښمنانه” بللي او ویلي چې دا اقدامات د ایران د خلکو پر معیشت مستقیم اغېز لري او د بشریت پر ضد جرم ګڼل کېږي.

نوموړي ټینګار کړی چې دا ډول فشارونه به د ایران پرمختګ ونه شي درولی او د امریکا د دیپلوماتیکو هڅو نیت تر سوال لاندې راولي.

دا څرګندونې په داسې حال کې شوي چې ټاکل شوې په روم کې د ایران او امریکا د خبرو پنځم پړاو پیل شي.

امریکا ویلي، دا بندیزونه ځکه لګول شوي چې د ایران ساختماني سکتور له سپاه پاسداران سره تړاو لري، او لس مهم مواد لکه نکل-کروم الیاژ، منیزیم، او پرکلوریټ پکې شامل دي.

د ترکیې ولسمشر، رجب طیب اردوغان، اعلان وکړ چې نور د ولسمشرۍ په ټاکنو کې ګډون نه کوي.

هغه ویلي، چې د ولسمشرۍ د ټاکنو ته د نوماندېدو نیت نه لري او هدف یوازې د هېواد حیثیت لوړول دي.

اردوغان ټینګار وکړ چې ترکیه نوې اساسي قانون ته اړتیا لري، ځکه اوسنی قانون د کودتا میراث دی.

هغه زیاته کړې چې هېواد باید یو داسې قانون ولري چې ولسي کسان یې جوړ کړي، نه کودتاچیان.

نوموړي ویلي، د عدالت او پرمختګ ګوند د نوې اساسي قانون پر مسوده کار پیل کړی او له مخالفو ګوندونو یې وغوښتل چې په دې بهیر کې برخه واخلي.

اردوغان همداراز د وخت نه مخکې ټاکنو غوښتنې رد کړې او ویلي چې اوس د منځمهالو ټاکنو اړتیا نه لیدل کېږي.