د پاکستان د دفاع وزیر خواجه آصف ویلي، هېواد یې له هند او طالبانو حکومت دواړو سره د دوو جبهاتو جګړې ته چمتووالی لري.
آصف د هوم نیوز ټلوېزیون ته ویلي، طالبان د هند د نیابتي ځواک په توګه عمل کوي؛ خو پاکستان به د ختیځ (هند) او لوېدیځ (افغانستان) دواړو پولو د ګواښونو پر وړاندې مقاومت وکړي.
هغه زیاته کړې، که څه هم د طالبانو حکومت سره له خبرو ملاتړ کوي، خو وایي چې دا خبرې باید له رښتینې ارادې او صداقت سره وشي.
پاکستان د طالبانو حکومت تورن کړی چې د پاکستاني طالبانو ملاتړ کوي او هغوی ته یې په افغانستان کې پناه ورکړې؛ خو د طالبانو حکومت دا تورونه په کلکه ردوي.
