د افغانستان د پخواني حکومت د چارو ادارې مشر فضل محمود فضلي د پاکستان له خوا د افغان طبي محصلینو د ایستلو پر پرېکړې نیوکه کړې او ویلي یې دي چې پاکستان له یوې خوا افغان طبي محصلین له خپل هېواده باسي، خو له بلې خوا یې د افغان کډوالو ماشومانو لپاره د مدرسو د فعالیتونو په اړه د کلونو راهیسې د نیوکو پر وړاندې اقدام نه دی کړی.
فضلي ادعا کړې چې پاکستان د تېرو پنځو لسیزو پر مهال د زرګونو مدرسو په جوړولو او ساتلو کې رول لرلی او په دغو مدرسو کې یې د افغان کډوالو ماشومان روزلي دي.
هغه د پاکستان د اوسني چلند په اړه پوښتنه کړې چې ولې په دغه هېواد کې د افغانانو طبي زدهکړې ګواښ ګڼل کېږي، خو په مدرسو کې د هغوی دیني او افراطي روزنه د ګواښ په توګه نه ده مطرح شوې.
د فضلي دا څرګندونې داسې مهال دي چې پاکستان د افغان طبي او غاښونو محصلینو د زدهکړو د درولو او د هغوی د بېرته ستنولو پرېکړه کړې ده.
