د طالبانو حکومت تر واک لاندې د هوا پېژندنې ادارې د هېواد په ۹ ولایتونو کې د ورښتونو اټکل کړی.
یادې ادارې ویلي، چې د وږي په پنځمه نېټه به په بدخشان، نورستان، کونړ، ننګرهار، لغمان، خوست، پکتیا او پکتیکا ولایتونو کې ورښت وي، چې اندازه به یې په ځینو ځایونو کې له پنځلسو څخه تر دېرش ملي مترو پورې ورسیږي.
دغې ادارې همداشان په لویدیځو، جنوبي او مرکزي ولایتونو کې د توندو بادونو خبر هم ورکړی، چې سرعت به یې په هر ساعت کې له پنځوسو څخه تر ۸۰ کیلیومتره پورې وي.
