ازبکستان وایي، چې له افغانستان سره د قوش تېپې کانال د جوړېدو او د آمودریا له سیند څخه د اوبو د حق په اړه خبرې کوي.
ازبکستان د ولسمشر ځانګړي استازي عصمتالله ایرگاشف وايي، چې دوی یو ګډ کمیسیون جوړ کړی چې په دې اړه دواړه لوري خبرې سره وکړي.
ایرگاشف ویلي، چې د آمودریا د اوبو د حق په اړه د طالبانو له حکومت سره هېڅ مخالفت نه لري.
هغه زیاته کړې چې د افغانستان خلک هم دغې اوبو کې حق لري او موږ یې مخنیوی نه کوو.
د یادونې ده چې د قوش تېپې کانال د افغانستان د اوبو تر ټولو ستره مصنوعي اوبلاره ده او ۲۸۵ کیلومتره اوږدوالی، ۱۰۸ متره سور، او ۸.۵ متره ژوروالی لري، چې پیل یې د بلخ ولایت له کلدار ولسوالۍ څخه کېږي او د فاریاب ولایت تر اندخوۍ ولسوالۍ پورې اوبه رسوي.
