د پخواني حکومت لومړي مرستیال امرالله صالح ویلي، د طالبانو دفاع وزارت په کابل کې د ملګرو ملتونو دفترونه کلابند کړي او ښځینه کارکوونکې یې له کار کولو په بشپړ ډول منع کړې دي.
ښاغلي صالح په خپله ایکسپاڼه لیکلي، که ملګري ملتونه دا محاصره توجیه کړي او د انلاین حضور خبره د حل په توګه وړاندې کړي؛ نو دا به د دې ادارې لپاره یوه «تاریخي شرم او رسوایي» وي.
هغه په ټینګار سره ویلي، هغه کړۍ او افراد چې د افغانستان په نوم یې د میلیاردونو ډالرو مصرف د تدریجي بدلون تر پلمې لاندې توجیه کړ او طالبانو ته یې نرم دریځ غوره کړ، باید حساب ورکړي او مسؤلیت یې واخلي.
