د طالبانو حکومت تر واک لاندې د ننګرهار ولایت د رسنیو له دفتر څخه په خپره شوې خبرپاڼه کې ویل شوي چې نن یې د دغې ولایت څخه کونړ ته د ۷۲ پروازونو په ترڅ کې ۳۶۱ ټپیان د ننګرهار حوزوي روغتون ته د درملنې په موخه انتقال کړي.
خبرپاڼه کې ویل شوي چې د ټپیانو له منځه یو تن ساه ورکړې او جنازه یې بیرته کونړ ته انتقال شوې.
همدا رنګه د یاد هوایي ډګر له لارې کونړ ته لس زره کیلو ګرامه خوراکي توکي او درمل وړل شوي او ترڅنګ یې ۵۴۰ تنه مسافر هم لېږدول شوي دي.
