د ملګرو ملتونو سرمنشي انتونیو ګوتریش د افغانستان د نن ورځې زلزلې په اړه خپله خواخوږي او ملاتړ څرګند کړی دی.
هغه ویلي، د افغان ولس ترڅنګ ولاړ دی او د قربانیانو کورنیو ته د زړه له کومي د تسلیت مراتب وړاندې کوي، همدارنګه ټپیانو ته د ژر روغېدو هیله لري.
ګوتریش زیاته کړې چې د ملګرو ملتونو ټیم په افغانستان کې د مرستې لپاره بسیج شوی او د اړتیا وړ کسانو د لاسنیوي په برخه کې به هېڅ ډول هڅه ونه سپموي.
