د طالبانو حکومت د بهرنیو چارو وزارت سیاسي مرستیال شېرمحمد عباس ستانکزي ویلي، نړۍ باید د افغانستان د بیا رغوونې مسؤلیت واخلي.
نوموړي له ګاونډیو هېوادونو هم غوښتي چې له افغانستان سره رغنده تعامل وکړي.
ستانکزي د تخنیکي او مسلکي زدکړو انستیتوت له لوري د افغانستان غوره نوښتونو په دویم نندارتون کې ویلي، چې نړۍ د علم او پوهې له کبله پرمختګ کړی او د له فقر او لوږې سره د مبارزې لپاره اړتیا ده، چې زده کړو ته وده ورکړل شي.
