د امریکا د بهرنیو چارو وزیر مارکو روبیو ویلي چې واشنګټن د ملګرو ملتونو د عمومي اسمبلۍ پر مهال له ایران سره د احتمالي لیدنې لپاره چمتو دی.
روبیو له اېنبيسي نیوز سره په مرکه کې ویلي، که داسې یوه لیدنه د مثبتو پایلو لامل کېدای شي او د دواړو هېوادونو د اختلافاتو د حل لپاره زمینه برابره کړي، امریکا به یې هرکلی وکړي.
هغه ویلي چې تر اوسه د داسې یوې غونډې لپاره کومه رسمي طرحه نه ده جوړه شوې، خو واشنګټن د دې احتمال پر وړاندې چمتو دی.
روبیو ټینګار کړی چې د امریکا اساسي موخه دا ده چې ایران هېڅکله اټومي وسلې ترلاسه نه کړي.
