د جاپان په آیچي–ناګویا کې د ۲۰۲۶ کال اسیایي لوبو کې د ښځو د کرکټ سیالۍ پای ته ورسېدې؛ هند د دغو سیالیو پایلوبه کې سریلانکا ته په ۱۴۷ منډو ماتې ورکړه او د سرو زرو مډال یې خپل کړ.
هند لومړی توپ وهنه وکړه او د ۳ لوبغاړو په زیان یې ۲۱۶ منډې جوړې کړې.
د هند لپاره سمریتي مندانا ۷۹، شفالي ورما ۴۸ او ریچا ګوش ۴۹ ناسوځېدلې منډې جوړې کړې.
سریلانکا د هدف په تعقیب یوازې ۶۹ منډې وکړې او ټولې لوبغاړې یې وسوځېدې چې د سپینو زرو مډال یې وګاټه.
له بلې خوا، پاکستان د درېیم مقام په لوبه کې بنګلهدېش ته په ۳۱ منډو ماتې ورکړه او د برونزو مډال یې ترلاسه کړ.
پاکستان لومړی توپ وهنه وکړه او ۱۴۵ منډې یې جوړې کړې، خو بنګلهدېش د هدف په تعقیب یوازې ۱۱۴ منډې وکړې.
په ورته مهال، ورپسې د سېپټمبر په ۲۴مه د نارینوو د کرکټ اسیایي لوبې پیلیږي.
