د طالبانو حکومت مشر شیخ هبتالله اخوندزاده د احتمالي کودتا د مخنیوي په هڅه کې دی.
خبریال بلال سروري په خپله ایکسپاڼه لیکلي، چې پر افغانستان د بیا ځل واکمنۍ وروسته په رسنیو او غونډو کې طالبانو د ملي حاکمیت دعوه کوله؛ خو دغه دعوه او داعیه یې له لومړي سره ناقصه وه.
نوموړی لیکلي، د طالبانو مشر پر خپلو وزیرانو هم بې باوره دی او د دوی په منځ کې بې باوري تر دې حده زیاته شوې، چې د دفاع وزارت،کورنیو چارو وزارت او استخباراتو ریاست څخه یې د وسلو د ویش صلاحیت واخیست.
سروري زیاتوي، په داسې وخت کې دا ډول پرېکړې هیڅ معنی نه لري.
