د روسیې د بهرنیو چارو وزارت ویلي، سره له دې چې د دوی سترې محکمې طالبان د ترهګرو له لیست څخه ایستلي؛ خو دا اقدام د ملګرو ملتونو د امنیت شورا له خوا پر طالب چارواکو لګول شوي بندیزونه نه لغوه کوي.

د روسیې د بهرنیو چارو وزارت د پنجشنبې په ورځ په یوه اعلامیه کې لیکلي، د سترې محکمې پرېکړه د مسکو نړیوالو ژمنو ته تغیير نه ورکوي او هېواد به یې لا هم د ملګرو ملتونو بندیزونه رعایتوي.

په اعلامیه کې دا پرېکړه له کابل سره د پراخو سیاسي، اقتصادي او امنیتي همکاریو لپاره مهم ګام بلل شوی.

روسیې ویلي، له طالبانو سره د نشه‌يي توکو، ترهګرۍ ضد مبارزې، پانګونې، سوداګرۍ او د انرژۍ په برخو کې د همکارۍ نیت لري.

همداراز، مسکو د داعش خراسان څانګې پر ضد د طالبانو اقداماتو مثبت ګام بللی او ټینګار یې کړی چې افغانستان د ستراتیژیک موقعیت له امله کولای شي د لویو سیمه‌ییزو پروژو برخه شي.

د کورنیو چارو پخوانی وزیر او د افغانستان د ژغورنې د ملي مجمعې نوی اجرایي مشر محمد عمر داودزی وایي، طالبان د کډوالو مسئله کې تر جمهوریت ښه دي او دوی هڅه کوي چې د کډوالو د اېستلو مسئله ونه ځنډوي.

نوموړی وایي، طالبان غواړي ټول کډوال له پاکستان او ایران څخه راوباسي.

هغه د خلیلزاد هغه اندېښنه هم پرځای وګڼله چې ښایي، پاکستان له دغې لارې داعش افغانستان ته ولېږي.

د کورنیو چارو پخوانی وزیر او د افغانستان د ژغورنې د ملي مجمعې نوی اجرایي مشر محمد عمر داودزی وایي، د طالبانو د مشر د فرمانونو له کبله یوولس هېوادونو له رسمیت پېژندنې شاتګ وکړ.

نوموړی وایي، د ۲۰۲۲ کال په مارچ کې ۱۱ هېوادونه د طالبانو رسمیت پېژندنې ته بیخي نږدې شوي وو؛ خو د ښځو د کار او زده‌کړو په اړه د طالبانو د مشر فرمانونو له کبله دا هېوادونه بېرته په شا شول.

هغه د دغو هېوادونو نومونه وانخیستل.

د کورنیو چارو پخوانی وزیر او د افغانستان د ژغورنې د ملي مجمعې نوی اجرایي مشر محمد عمر داودزی وایي، د طالبانو لپاره د افغانستان ملت ته جزا ورکول کېږي.

هغه وایي، طالبان عاقل خلک دي او اوس دې پایلې ته رسېدلي چې د غلطو سیاستونو له کبله باید ملت ته سزا ورنکړل شي.

د کورنیو چارو پخوانی وزیر او د افغانستان د ژغورنې د ملي مجمعې نوی اجرایي مشر محمد عمر داودزی وایي، افغانان ریاستي نظام سره نه و بلد او پکار وه، چې بن کې شاهي نظام راغلی وی؛ خو د شاهي نظام نه هم پارلماني نظام بهتر وو.

د هغه په خبره، بن کې د نظام ماهیت امریکا وټاکه او افغان مشرانو هیڅ صلاحیت نه درلود.

د کورنیو چارو پخوانی وزیر او د افغانستان د ژغورنې د ملي مجمعې نوی اجرایي مشر محمد عمر داودزی وایي، بن کې د افغانانو غوښتنې ته غوږ ونه نیول شو.

نوموړی وایي، بن کې اکثرو افغانانو غوښتل چې دغه کنفرانس کې ګډون وکړي؛ خو د امریکا استازي ویل چې طالب او القاعده یو ډول دي؛ نو هیڅ باید دلته ګډون ونه کړي.

د هغه په خبره، د بن کنفرانس کې یوه بله ستونزه د نظام پر سره وه، چې اروپایانو شاهي دیموکراسي او امریکا بیا جمهوریت غوښت.

د کورنیو چارو پخوانی وزیر او د افغانستان د ژغورنې د ملي مجمعې نوی اجرایي مشر محمد عمر داودزی د حماسه میډیا په ایکس سپېس کې وایي، جمهوریت کې دوی له داسې غوټې سره مخ شوي، چې خلاصول یې د دوی له وسه بهر وو.

نوموړی وایي، جمهوریت د پردي په زور خلاصه شوې غوټه وه چې هیڅ پایله یې ورنکړه.

نوموړی وایي، چې د پردیو په خوښه نظام پایله نه ورکوي.

د ایران حکومت ویاندې فاطمه مهاجراني ویلي، د واشنګټن سره د ایران مذاکرات یوازې هستوي برنامو پورې تړاو لري او غیر له دې نور هیڅ هدف او پریکړه پکې نکېږي.

اغلې مهاجراني د الجزیرې خبري اژانس سره په یوه تازه مرکه کې ویلي، اسراییل تل هڅه کړې چې په دې مذاکراتو کې خنډ او خرابکاري رامنځته کړي؛ خو زموږ د دې هستوي مذاکراتو پر خبرو هیڅ اثر نشي غورځولی.

نوموړې زیاته کړې، چې واشنګټن د ایران هستوي برنامو سره موافقې ته رسېدلی او په وینا یې د ایران هڅه تل همدا ده چې د دغو برنامو په مقابل کې پر ایران لګول شوي بندیزونه به له منځه وړل کېږي.

په کابل کې د روسیې سفیر دیمیتري ژیرنوف، د طالبانو حکومت د بهرنیو چارو سرپرست وزیر، امیرخان متقي ته په رسمي ډول خبر ورکړی چې روسیې طالبان د ترهګرو ډلو له نوم‌لړ څخه لرې کړي دي.

د طالبانو د بهرنیو چارو وزارت د ویاند مرستیال، ضیا احمد تکل وایي، دواړو لوریو د روسیې د سترې محکمې دا پرېکړه تاریخي بللې او ویلي یې دي چې دا ګام به د مسکو او کابل ترمنځ د سیاسي او اقتصادي همکاریو په پراخېدو کې مهم رول ولوبوي.

د یادونې ده چې د روسیې سترې محکمې نن د دغه هېواد د لویې څارنوالۍ غوښتنه ومنله او طالبان یې د ترهګرو سازمانونو له لیست څخه موقتاً وایستل.

د روسیې لویې څارنوالۍ ویلي، چې دا پرېکړه د هغو قانوني بدلونونو پر بنسټ شوې چې تېر کال د ترهګرۍ ضد او اداري قضايي قانون کې راوستل شوي دي.

د روسیې سترې محکمې د پنجشنبې په ورځ د دغه هېواد د لویې څارنوالۍ غوښتنه ومنله او طالبان یې د ترهګرو سازمانونو له لیست څخه موقتاً وایستل.

د روسیې لویې څارنوالۍ ویلي، دا پرېکړه د هغو قانوني بدلونونو پر بنسټ شوې چې تېر کال د ترهګرۍ ضد او اداري قضايي قانون کې راوستل شوي دي.

د روسیې ولسمشر ولادیمیر پوتین مخکې ویلي و چې طالبان اوس د ترهګرۍ پر وړاندې جګړه کې یو متحد دي، او په همدې اساس دا بدلون رامنځته شوی.

سره له دې چې روسیې له طالبانو سره خپل سیاسي او اقتصادي اړیکي پراخې کړي، لا هم یې دا ډله د افغانستان د رسمي حکومت په توګه په رسمیت نه ده پېژندلې.

ټاکل شوې چې د محکمې دا پرېکړه به په پنځو ورځو کې د روسیې امنیتي ادارو ته وسپارل شي، تر څو د ترهګرو ډلو نوم‌لړ له مخې تازه شي.