د جمعیت علمای اسلام ګوند مشر مولانا فضلالرحمن د پاکستان حکومت ته خبرداری ورکړی چې پر ده دې د بېبنسټه تورونو لګول پای ته ورسوي.
فضلالرحمن ویلي: «پر ما د بېاساسه تورونو له لګولو لاس واخلئ او ما مه ننګوئ.»
هغه خبرداری ورکړی، که یوازې یو ځل هم کومې جرګې ته د حاضرېدو لپاره وغوښتل شي، داسې اسناد او شواهد به وړاندې کړي چې د ده په وینا، د حکومت د «جرمونو» حقیقت به بربنډ کړي او د پټولو لپاره به یې هېڅ لاره پاتې نه شي.
د نوموړي دغه څرګندونې په داسې مهال شوې چې په وروستیو اوونیو کې د فضلالرحمن او د پاکستان د حکومت ترمنځ سیاسي اختلافونه زیات شوي او هغه څو ځله د حکومت او پوځ پر کړنو سختې نیوکې کړې دي.
