د طالبانو حکومت ویاند ذبیح الله مجاهد وایي، چې شیخ هبتالله اخوندزاده امر کړی چې نور دې په زندانونو کې زندانیانو ته شکنجه نه ورکول کېږي.
ښاغلي مجاهد په یو ایکس سپیس کې وویل، چې دوی هیله لري چې ټیټ رتبه طالبان د شیخ هبت الله امر پر ځای او نور په زندانونو کې زندانیانو ته شکنجه ورنکړي.
دا په داسې حال کې ده چې د طالبانو حکومت په زندانونو کې زندانیانو ته سختې شکنجې ورکول شوي او لا هم دغه چاره دوام لري.
د طالبانو حکومت ویاند ذبیح الله مجاهد وایي، چې اختلافات د جګړې په معنا نه دي.
ښاغلي مجاهد په یو ایکس سپېس کې د طالبانو حکومت د ریاست الوزرا اقتصادي مرستیال ملا عبدالغني برادر د ټپي کېدو او د طالب مشرانو ترمنځ د اختلافاتو اوازې رد کړې.
مجاهد ویلي چې د داخلي اختلافاتو له امله د طالبانو حکومت د سقوط اوازې بې اساسه دي او هغه کسان چې فکر کوي چې د طالبانو حکومت به ړنګ شي، اشتباه کوي.
د طالبانو حکومت ویاند ذبیح الله مجاهد وایي، د بګرام هوایي اډې نیول یو خیال دی او امریکا به یې سل کالو کې هم ونه نیسي.
ښاغلي مجاهد یو ایکس سپیس کې ویلي، چې له امریکا څخه پاتې وسلې دوی ته په غنیمت کې پاتي.
هغه زیاته کړې، چې د طالبانو حکومت څه د اشرف غني حکومت نه دی چې د نورو غوښتنې به مني.
د پاکستان د جمعیت علما اسلام ګوند مشر مولانا فضل الرحمن وایي، د دوی اوسنی حکومت د کابل پر وړاندې قصدا د دوښمنۍ پالیسي جوړوي.
نوموړی وایي، اسلام اباد د خپلې نا امنۍ پړه پر کابل ور اچوي؛ خو د خپل امنیت ساتلو لپاره کوم ګام نه اخلي.
د فضل الرحمن په خبره، پاکستان د مجاهدینو وخت کې افغانستان کې مداخله کوله؛ خو اوس کابل په مداخلې تورنوي.
هغه د پښتونخوا او بلوچستان پر وروستي وضعیت هم اندېښنه څرګنده کړې.
هغه دغه راز ویلي، چې خیبر پښتونخوا او بلوچستان کې حکومتي واک تقریباً ختم شوی دی.
هغه خبرداری ورکړی که وضعیت همداسې دوام وکړي؛ نو هېواد به له خطرناکو حالاتو سره مخ شي.
حماسه میډیا ته سرچینې ویلي، چې حمید خراساني د طالبانو حکومت نېولی.
سرچینې زیاته کړې، چې حمید خراساني د طالبانو حکومت د کورنیو چارو اړوند توهین امېزې خبرې کړي او غلط تورونه یې لګولي.
یادې سرچینې دغه راز ویلي، چې حمید خراساني د طالبانو د حکومت منځ کې د نفاق او تفرقې د هڅې په تور زنداني شوی.
د طالبانو حکومت د کورنیو چارو وزارت کابل کې د ملګرو ملتونو پر دفتر یا یوناما برید منلی دی.
د یاد وزارت ویاند عبدالمتین قانع ویلي، دغه برید چې پرون یکشنبه ترسره شوی پکې یو طالب سرتېری وژل شوی او د یوناما یو کارکوونکی ټپي شوی دی.
نوموړی زیاتوي چې په دې اړه یې پلټنې پیل کړې دي.
بل لورته راپورونه خپاره شوي چې د یاد برید مسؤلیت داعش ډلې منلی دی.
ترکي رسنیو راپور ورکړی، چې د سوریې د انتقالي حکومت مشر احمد الشرع به سبا دغه هېواد ته سفر وکړي.
د سرچینو د معلوماتو له مخې، دا سفر د رجب طیب اردغان په رسمي بلنه ترسره کوي.
ټاکل شوې چې دواړه لوري به د وضعیت د ښه والي، امنیت او ثبات په اړه خبرې وکړي.
دا په داسې حال کې ده، چې احمد الشرع اوس مهال سعودي عربستان ته په سفر دی او د محمد بن سلمان په ګډون یې ددغه هېواد یو شمېر چارواکو سره لېدنې ترسره کړې دي.
د طالبانو حکومت د کورنیو چارو سرپرست وزیر سراج الدین حقاني متحده عربي اماراتو ته له سفر وروسته بیرته هېواد نه دی راستون شوی.
یو شمېر سرچینې وایي، چې سراج الدین حقاني هم له کندهار مرور دی او اوس مهال عمرې ته تللی.
سره له دې چې د طالبانو حکومت تر اوسه په دې اړه څه نه دي ویلي؛ خو دمګړی د کابل او کندهار ترمنځ په لوړه کچه اختلاف شتون لري.
رویټرز د خپلو سرچینو په حواله راپور ورکړی چې کابل کې د یوناما پر دفتر د برید له کبله یو تن وژل شوی او یو بل ټپي دی.
د سرچینې د معلوماتو له مخې، په دغه برید کې یو طالب هم لاس درلود.
تر اوسه د طالبانو حکومت په دې اړه څه نه دي ویلي.
بل لورته لاهم د پېښې مسؤلیت چا نه دی منلی.
د طالبانو حکومت د حماس غورځنګ د یوه نظامي مشر، محمد الضیف پر مړینې خواشیني څرګنده کړې.
د طالبانو حکومت په یوه اعلامیه کې ویلي، چې حماس غورځنګ د اسراييل پر وړاندې د خپل مقاومت بېلګه پرېښې او د راتلونکو نسلونو لپاره به د عزت، زړورتیا او د فلسطین خپلواکۍ ته د ژمنتیا مثال وي.
اعلامیه کې زیاته شوې، چې حماس غورځنګ په سیاسي او نظامي برخو کې تر پخوا نور هم پیاوړی شوی دی.