د قطر امیري دیوان د پخواني امیر شیخ حمد بن خلیفه آل ثاني د مړینې په مناسبت په ټول هېواد کې د څلورو ورځو ملي ماتم اعلان کړی دی.
د امیري دیوان په یوه بیان کې ویلي، دا ماتم د هېواد د پخواني امیر د درناوي او یاد په موخه اعلان شوی او د ماتم پر مهال به رسمي مراسم د ټاکل شویو اصولو له مخې ترسره کېږي.
شیخ حمد بن خلیفه آل ثاني، چې د «پلار امیر» په نوم هم پېژندل کېده، د ۷۴ کلنۍ په عمر وفات شو.
هغه له ۱۹۹۵ څخه تر ۲۰۱۳ کال پورې د قطر مشري وکړه او وروسته یې واک خپل زوی او اوسني امیر شیخ تمیم بن حمد آل ثاني ته وسپاره.
د نوموړي له مړینې وروسته د نړۍ د بېلابېلو هېوادونو مشرانو او چارواکو د قطر له حکومت او خلکو سره د خواخوږۍ او تسلیت پیغامونه شریک کړي دي.
