‏د طالبانو د حکومت د بهرنیو چارو وزارت نن د بلوچستان په کوټه ښار کې د اورګاډي په کرښه بمي چاودنه وغندله.

دغې وزارت په خبرپاڼه کې ویلي، د بلوچستان په کوټه ښار کې په عامه سفر کوونکو وروستۍ چادونه چې له امله یې ګڼ شمېر کسانو ژوند له لاسه ورکړ او ټپیان شول غندي،‏ د ملکي وګړو مرګ ژوبله که د هر چا له لوري او په هره بڼه وي، د غندني وړ ده.

‏د طالبانو د حکومت د بهرنیو چارو وزارت همداراز د قربانیانو کورنیو ته تسلیت ویلی او خپله خواخوږي یې ورسره څرګنده کړې.

نن ماسپښین د پاکستان بلوچستان ایالت په کوټه ښار کې د اورګاډي پر کرښه بمي چاودنه وشوه چې په کې ۲۳ تنه ووژل شوي او له ۷۰ ډېر ټپیان شوي دي.

د طالبانو د حکومت د کابل امنیه قومندانۍ مسوولینو نن ماسپښین شهزاده سرای ته څېرمه د زرګرۍ مارکېټ مخې ته وسله واله نښته تایید کړه او وایي، په ډزو کې د پخواني حکومت د ولسي جرګې غړي الله ګل مجاهد زوی احسان الله مجاهد په نښه شوی چې د نوموړي په ګډون یې ساتونکی او دوه ملکي وګړي «یوه ښځه او سړی» هم وژل شوي دي.

مسوولین وایي، پېښه د شخصي دوښمنۍ له امله رامنځته شوې او په تړاو یې یو تن په ټپي حالت کې نیولی او د الله ګل مجاهد وراره هم د پولیسو له لوري نیول شوی دی.

په ورته وخت، ملکي وګړي په رڼا ورځ دا ډول مرموزو پېښو او ورځ تر بلې خرابېدونکي امنیتي وضعیت اندېښمن کړي.

کندهار کې د طالبانو د حکومت اطلاعاتو او کلتور ریاست ویلي، په دغه ولایت کې یې درې راډیو ګانې وتړلې.

دغه ریاست په یوه خبرپاڼه کې ویلي، د څانګې، زېور او تحسین القران په نوم د اېف اېم راډیو ګانو فعالیتونه یې د فعالیت د رسمي جوازونو د نه درلودو، مالیاتو نه ورکړې او غیرمعیاري نشراتو له کبله وتړل.

همداراز یو شمېر راډیو ګانو ته یې خبرداری ورکړی چې زر تر زره خپل اسناد بشپړ او فعالیتونه قانوني کړي.

د راډیو ګانو مسوولینو بیا ویلي چې د جواز کارونه یې په کابل کې ځنډېدلي وو او پر وخت نه دي اجرا شوي.

دا په داسې حال کې ده چې د طالبانو د حکومت له بیا واکمنېدو راهیسې ورځ تر بلې د رسنیو فعالیتونه کم رنګه کیږي، ځینې د دغه حکومت له لوري تړل کیږي او یو شمېر د مالي ستونزو له کبله نه شي کولی فعالیتونو ته دوام ورکړي.

ځایي سرچینې وایي، نن مازدیګر د کابل شهزاده سرای ته څېرمه د زرګرۍ په کوڅه کې یو نامعلوم وسله وال په ملکي وګړو د کلاشنکوف ډزې کړي او مرګ ژوبله رامنځته شوې.

د سرچینو په وینا، وسله وال د زرګرۍ په کوڅه کې پر یوې ښځې، یو سړي او د زرګرۍ مارکېټ پر دوه کارکوونکو ډزې کړي او له سیمې تښتېدلی دی.

خو تراوسه د کره مرګ ژوبلې او د برید د انګېزې په اړه څه نه دي ویل شوي.

دا په داسې حال کې ده چې په دې وروستیو کې کابل مېشتي د امنیتي وضعیت له خرابېدو شکایتونه کوي.

د پاکستان لومړي وزیر شهباز شریف د بلوچستان ایالت په کوټه ښار کې د چمن پهاټک ته نږدې د اورګاډي په کرښه شوې بمي چاودنه غندلې ده.

شهباز شریف ویلي، په دې چاودنه کې بې‌ ګناه خلکو ته مرګ‌ ژوبله اوښتې او ګڼ کسان ټپیان شوي دي. هغه د پېښې د قربانیانو له کورنیو سره خواخوږي څرګنده کوې او د ټپیانو د زر رغېدو هیله یې کړې ده.

د پاکستان لومړي وزیر زیاته کړې چې دا ډول «بزدلانه ترهګریز بریدونه» د پاکستان د خلکو اراده نه شي کمزورې کولی او حکومت به د ترهګرۍ پر ضد خپلو هڅو ته دوام ورکړي.

هغه ویلي، ټول پاکستان د دې غم پر مهال د بلوچستان د خلکو ترڅنګ ولاړ دی.

نن ماسپښین د بلوچستان په کوټه ښار کې د اورګاډي پر لیکه زوروې چاودنې لږ تر لږه ۲۳ کسان ووژل او له ۷۰ ډې ټپیان کړل.

د بريټانيا لومړي وزير کی‌یر سټارمر د امريکا او ايران ترمنځ د احتمالي هوکړې د پرمختګ هرکلی کړی او ويلي يې دي چې نړۍ د داسې تړون اړتیا لري چې شخړه پای ته ورسوي او د هرمز تنګي کې د بې‌قيد او شرط سمندري تګ راتګ ازادي بېرته تضمين کړي.

سټارمر په خپله ایکس پاڼه ټينګار کړی چې ايران ته بايد هېڅکله د اټومي وسلې د جوړولو اجازه ورنه کړل شي.

نوموړي ويلي، د بريټانيا حکومت به د روان کړکېچ له اغېزو د برېتانوي وګړو د خونديتوب لپاره خپلو هڅو ته دوام ورکړي.

د بريټانيا لومړي وزير زياته کړې چې لندن به له خپلو نړيوالو متحدينو سره په ګډه کار وکړي، څو له دې فرصته د اوږدمهالې ديپلوماټيکې هوکړې لپاره ګټه پورته شي.

د بريټانيا لومړي وزير کی‌یر سټارمر د امريکا او ايران ترمنځ د احتمالي هوکړې د پرمختګ هرکلی کړی او ويلي يې دي چې نړۍ د داسې تړون اړتیا لري چې شخړه پای ته ورسوي او د هرمز تنګي کې د بې‌قيد او شرط سمندري تګ راتګ ازادي بېرته تضمين کړي.

سټارمر په خپله ایکس پاڼه ټينګار کړی چې ايران ته بايد هېڅکله د اټومي وسلې د جوړولو اجازه ورنه کړل شي.

نوموړي ويلي، د بريټانيا حکومت به د روان کړکېچ له اغېزو د برېتانوي وګړو د خونديتوب لپاره خپلو هڅو ته دوام ورکړي.

د بريټانيا لومړي وزير زياته کړې چې لندن به له خپلو نړيوالو متحدينو سره په ګډه کار وکړي، څو له دې فرصته د اوږدمهالې ديپلوماټيکې هوکړې لپاره ګټه پورته شي.

د پاکستان د کرکټ ملي لوبډلې پخواني لوبغاړي او لوبډلمشر شعیب ملیک د یاد هیواد د ټیسټ اوسنۍ لوبډله ناکامه او بې تجربې بللې.

ملیک د پاکستان د ټیسټ کرکټ د پرمختګ په پار ویلي”دا تر ټولو غوره هڅونه ده چې لوبغاړي اوږده فارمټ ته ژمن پاتي شي، ځکه په دې توګه به دوي هر فصل کې لږ تر لږه پنځه فرسټ کلاس لوبې ترسره کړي او هغه تیروتنه به ونه کړي چې خپل طبیعي لوبیز سټایل بدل کړي یا یوازې د فرنچایزي کرکټ پسې ولاړ شي”

د برېتانیا د تاج څارنوالۍ اووه افغان وګړي د ماشومانو د جنسي تېري، جنسي استثمار، انساني قاچاق او د فریبکارو شبکو د غړیتوب په تور مجرمين ثابت کړي دي.

د نورفولک پولیسو ویلي، دغه کسان د انګلستان د نورویچ ښار او سکاټلنډ کې د عملیاتو پر مهال نیول شوي دي.

د څارنوالۍ د معلوماتو له مخې، ۲۰ کلن جمیل خلیل د ۷ جنسي تېري پېښو، یو انساني قاچاق او د ماشومانو د جنسي استثمار د توطیې په تور تورن شوی.

۲۱ کلن احمد دین احمدزی د ۹ جنسي تېري پېښو، یو انساني قاچاق، د دوو ماشومانو د جنسي استثمار د توطیې او د عدالت د بهیر د ځنډولو په تور نیول شوی.

همداراز، ۲۰ کلن قیس کاکړ د څلورو جنسي تېري پېښو، یو انساني قاچاق، د دوو ماشومانو د جنسي استثمار د توطیې او د عدالت د بهیر د ځنډولو په تور تورن شوی.

۲۰ کلن فضل اوریاخېل د یوې جنسي تېري قضیې، ۲۳ کلن محمد فاروق شینواری د دوو جنسي تېري قضیو، ۲۱ کلن علي احمد د یوې جنسي تېري او درېیو انساني قاچاق قضیو، او ۲۰ کلن سید وحید داوودزی د څلورو د جنسي تېري او د ماشومانو د جنسي استثمار د توطیې په یوه قضیه کې تورن شوي دي.

برېتانوي چارواکي وایي، دغه جرمونه د ۲۰۲۳ کال د اګست او د ۲۰۲۵ کال د مې ترمنځ ترسره شوي او ټول تورن کسان اوس تر څېړنو لاندې دي.

په کوټه، بلوچستان کې د اورګاډي پر لیکه یوې زورورې چاودنې لږ تر لږه ۲۳ کسان وژلي او ګڼ نور یې ټپیان کړي دي.

د راپورونو له مخې، دا پېښه ښايي ځانمرګی برید وي؛ خو چارواکو تر اوسه په رسمي ډول څه نه دي ویلي.

چاودنې په سیمه کې پراخه ویجاړتیا رامنځته کړې او امنیتي ځواکونه د پېښې ځای ته رسېدلي دي.

ټپیان روغتونونو ته لېږدول شوي او د برید د څرنګوالي په اړه پلټنې روانې دي.