د طالبانو حکومت د دفاع وزیر مولوي محمد يعقوب مجاهد له روسیې څخه کابل ته راستون شوی او ویلي یې دي چې د افغانستان او روسیې ترمنځ د پوځي همکارۍ د هوکړې عملي چارې به په نږدې ورځو کې پیل شي.
نوموړي، چې د مسکو په نړیوال امنیتي کنفرانس کې یې ګډون کړی و، کابل ته د رسېدو پر مهال څرګنده کړې چې د یادې هوکړې د پلي کېدو پر څرنګوالي به نورې تخنیکي او عملي خبرې اترې هم ترسره شي.
د مسکو امنیتي غونډه د سیمې او نړۍ د یو شمېر هېوادونو د لوړپوړو امنیتي او دفاعي چارواکو په ګډون جوړه شوې وه، چې پکې د امنیتي همکاریو، سیمهییزو بدلونونو او دوه اړخیزو اړیکو په اړه بحثونه وشول.
