جاپان ټایمز په یوه راپور کې ویلي، چې کابل د اوبو له شدید کمښت سره مخ دی، او که ژر اقدام و نهشي، ښايي تر ۲۰۳۰ کال پورې د دې ښار ځمکنۍ اوبه پای ته ورسېږي.
راپور زیاتوي چې د نفوس زیاتوالی، اقلیمي بدلون او د ښاري پلان نشتوالي د اوبو زیرمې له سخت ګواښ سره مخ کړې دي.
جاپان ټایمز زیاته کړې، شاوخوا ۸۰ سلنه د کابل ځمکنۍ اوبه ککړې دي، او تر ۱۰۰ زرو زیاتې ناقانونه څاګانې له همدې اوبو کار اخلي.
کارپوهان وایي، سره له دې چې د ځمکنۍ اوبو بېرته تغذیه ممکنه ده؛ خو هر کال تر هغه زیاتې اوبه ایستل کېږي، چې ځای پر ځای کېږي، چې دا کار د ۷۶ میلیونه مکعب مترو په کچه کموالی راولي.
