د ایران د ملي امنیت عالي شورا مشر محسن رضايي ویلي، تهران له امریکا سره د خبرو د بیا پیل او د جګړې د پای ته رسولو لپاره خپل شرطونه د قطر د منځګړیتوب له لارې واشنګټن ته لېږلي دي.
رضايي الجزیرې ته ویلي، قطر د ایران شرطونه امریکا ته رسولي او تهران اوس د امریکا د ولسمشر ډونالډ ټرمپ ځواب ته منتظر دی.
د ایران د امنیتي چارواکي په وینا، د تهران درې مهم شرطونه دا دي:
په ټولو جبهاتو کې د جګړې پای ته رسول؛
د ایران کنګل شوې شتمنۍ بېرته خوشې کول؛
د ایران پر بندرونو د امریکا د سمندري محاصرې ختمول.
رضايي ویلي، ایران لا هم د قطر او پاکستان له منځګړیتوب سره اړیکې لري او د خبرو لپاره د سیاسي لارې د موندلو هڅې روانې دي.
هغه همداراز خبرداری ورکړی چې که د ایران شرطونه ونه منل شي، تهران د جګړې لپاره چمتو دی.
رضايي ویلي، ایران د امریکا د احتمالي نورو بریدونو لپاره هم چمتووالی لري.
د راپورونو له مخې، د قطر او پاکستان په ګډون سیمهییز هېوادونه هڅه کوي چې د امریکا او ایران ترمنځ د خبرو لاره بېرته پرانیستل شي.
