ولسمشر ډونالډ ټرمپ وایي د امریکا متحده ایالات له ایران سره کومې هوکړې ته اړتیا نه لري؛ دا په داسې حال کې ده چې هغه د منځمهاله ټاکنو په درشل کې څو ځله ویلي وو چې کېدای شي یوه هوکړه ترلاسه شي.
هغه په «ټروټ سوشیل» کې لیکلي: «موږ له ایران سره هوکړې ته اړتیا نه لرو. هغه ورځې ډېرې پخوا تېرې شوې دي. موږ د هغوی پیسې، په سلګونو میلیارده ډالر په واک کې لرو او د هغوی تنګی (اوبه لار) هم زموږ په لاس کې ده!» چې اشاره یې د هرمز تنګي ته وه.
ټرمپ په دې لیکنه کې زیاتوي چې له خپل مرستیال، جي ډي وینس څخه یې غوښتي چې خپل پام پر ایران له ډیپلوماتیکو خبرو اترو څخه واړوي او پر ځای یې په هغو ښارونو او ایالتونو کې پر جرمونو او فساد تمرکز وکړي چې د ډیموکراتانو تر کنټرول لاندې دي.
