د اسراییلو پوځ اعلان کړی چې نن، د ایران له خوا پر اسراییلو د توغندیو یوه نوې څپه پیل شوې ده.

پوځ وایي چې د هېواد هوايي ځواکونه د دغو بریدونو پر وړاندې په فعاله توګه اقدام کړی او هڅه کوي چې راکټونه په هوا کې شنډ کړي.

د بریدونو له امله د اسراییلو په مرکزي، لوېدیځو او شمالي برخو کې د خطر زنګ وهل شوی، چې خلک یې وېرولي دي.

همداراز، ژوندۍ تلویزیوني خپرونې ښيي چې د اسراییلو دفاعي سیستمونه د تل‌ابیب پر آسمان کې توغندي تعقیبوي او شنډوي.

د بریدونو د تلفاتو او مالي زیانونو په اړه تر اوسه دقیق معلومات نه دي ورکړل شوي؛ خو چارواکي وایي چې وضعیت له نږدې څاري او خلکو ته د امنیت ډاډ ورکوي.

په امریکا کې د اسراییلو سفیر یخیل لایتر، ، ویلي چې اسراییل د ایران د فردو د یورانیمو غني‌کولو تأسیساتو د له‌منځه وړلو لپاره د امریکا مرستې ته اړتیا نه لري.

فردو تأسیسات چې د ځمکې لاندې موقعیت لري، له نظامي پلوه د برید تر ټولو ستونزمن هدف ګڼل کېږي.

د اسراییلو سفیر زیاته کړې چې دوی د امریکا له ملاتړ څخه منندوی دي؛ خو دغه ملاتړ یوازې تر “دفاعي دریځه” پورې محدود دی.

هغه د ای‌بي‌سي نیوز سره په مرکه کې ویلي، چې پر دغو تاسیساتو د برید بدیلې لارې لري.

د امریکا ولسمشر ډونالډ ټرمپ ویلي، ډېر ژر به د ایران او اسرائیل ترمنځ سوله وشي.

هغه زیاته کړې چې اوس د دواړو لورو ترمنځ زیاتې خبرې او ناستې روانې دي.

ټرمپ ویلي، ایران او اسرائیل باید هوکړې ته ورسیږي، لکه څنګه چې هند او پاکستان روغه وکړه.

دا څرګندونې داسې مهال کېږي چې اسرائیل تازه د ایران پر ضد بریدونه ډېر کړي او ایران هم پر اسرائیل د توغندیو نوي بریدونه کړي دي.

پر اسرائیل د ایران د توغندیو بله څپه پیل شوه.

ایران پر دې بریدونو کې له لسګونه توغندیو کار اخیستی.

ویل کېږي، چې دا توغندي د اسرائیل پر مهمو سیمو لګېدلي دي.

اسرائیل تر اوسه په دې اړه څه نه دي ویلي.

یو شمېر ایراني رسنیو راپور ورکړی، چې ایران په اسراییل کې د دغه هېواد د لومړي وزیر بنیامین نتنیاهو کور په نښه کړی.

په دې اړه تر اوسه نور جزیات نه دي ورکړل شوي؛ خو څو شېبې وړاندې تهران ټایمز ویلي، چې پر اسراییل یې سلګونه توغندي ورتوغولي دي.

اسراییل تر اوسه په دې اړه څه نه دي ویلي.

د طالبانو حکومت د امر بالمعروف وزیر، محمدخالد حنفي، ويلي چې بې له ږيرې او حجاب څخه د اسلام تعريف نيمګړی دی.

د یاد وزارت وياند، سيف‌الاسلام خيبر، د خالد حنفي د وينا يو غږيز پيغام د ایکس پر پاڼه خپور کړی چې نوموړي پکې ویلي: «که تاسو دستار، ږيره او حجاب ته اسلام نه واياست؛ نو اسلام څه شی دی؟»

هغه زياته کړې چې اسلام د منکراتو، لکه بې‌حجابۍ او ږيره خريلو له مخنيوي سره پېژندل کېږي.

نوموړي پخوا دنياوي زده کړې «مباح» بللې وې.

د سعودي عربستان د حج او عمرې وزارت د ایراني حاجیانو لپاره ځانګړي خدمات برابر کړي دي.

اوس مهال د ایران اووه نیم زره حاجیان په سعودي کې بند پاتي، چې د معلوماتو له مخې، د سعودي د ولیعهد په امر ورته ځانګړې عملیاتي خونه جوړه شوې.

د یادونې ده، چې ایراني حاجیان پر ایران د اسرائیل د برید له کبله په سعودي کې بند پاتې دي.

د ننګرهار ولایت د کامې ولسوالۍ په میرزاخېلو کلي کې د ناچاودې مرمۍ د چاودنې له امله یو ۱۶ کلن هلک وژل شوی او د هغه خور او ورور ټپیان شوي دي.

د ننګرهار د طالبانو د امنیې قوماندانۍ ویاند، سید طبیب حماد رسنیو ته ویلي، چې دا پېښه نن یکشنبه رامنځته شوې ده.

د نوموړي په وینا، پېښه هغه مهال رامنځته شوې چې ماشومان له یادې مرمۍ سره په لوبو بوخت وو.

امنیتي چارواکي وایي چې د پېښې ټپیان روغتون ته انتقال شوي او د هغوی درملنه روانه ده.

د یادونې وړ ده چې په افغانستان کې د جګړو له امله پاتې شویو ناچاودو توکو له کبله هر کال ګڼ ماشومان ژوند له لاسه ورکوي یا ټپیان کېږي.

د ننګرهار ولایت د کامې ولسوالۍ په میرزاخېلو کلي کې د ناچاودې مرمۍ د چاودنې له امله یو ۱۶ کلن هلک وژل شوی او د هغه خور او ورور ټپیان شوي دي.

د ننګرهار د طالبانو د امنیې قوماندانۍ ویاند، سید طبیب حماد رسنیو ته ویلي، چې دا پېښه نن یکشنبه رامنځته شوې ده.

د نوموړي په وینا، پېښه هغه مهال رامنځته شوې چې ماشومان له یادې مرمۍ سره په لوبو بوخت وو.

امنیتي چارواکي وایي چې د پېښې ټپیان روغتون ته انتقال شوي او د هغوی درملنه روانه ده.

د یادونې وړ ده چې په افغانستان کې د جګړو له امله پاتې شویو ناچاودو توکو له کبله هر کال ګڼ ماشومان ژوند له لاسه ورکوي یا ټپیان کېږي.

د هند په شمالي ایالت اوتاراکند کې یوې هیلي‌کوپټر سقوط کړی چې له امله یې د یو ماشوم په ګډون اووه کسان وژل شوي دي.

پېښه نن سهار د یاد ایالت په ځنګلونو کې رامنځته شوې ده.

د راپورونو له مخې، د پېښې لامل خراب موسم ښودل شوی دی.

دا پېښه داسې مهال رامنځته شوې چې یوازې یوه اونۍ وړاندې هم په هند کې د یوه مسافر وړونکي الوتکې د سقوط له امله لږ تر لږه ۲۷۰ کسان وژل شوي وو.