د پاکستان ملي کرکټ لوبډله نن له استرالیا سره د درې یو ورځنیو لوبو لوبلړۍ پیلوي.
د دې سیالۍ په ترسره کولو سره به د پاکستان د یو ورځنیو نړیوالو لوبو شمېر (۱۰۰۰) ته ورسېږي.
پاکستان به له استرالیا او هند وروسته د نړۍ درېیمه لوبډله شي چې د یو ورځنیو نړیوالو لوبو د زر سیالیو تاریخي پړاو بشپړوي.
راپورونه وایي، ایران چمتو شوی چې خپل غني شوی یورانیم چین ته انتقال کړي او غواړي له امریکا سره د هرې وروستۍ هوکړې تر مخه د بېجینګ تضمینونه ترلاسه کړي.
په همدې حال کې، د چین ولسمشر شي جین پینګ په بېجینګ کې د پاکستان له لومړي وزیر شهباز شريف سره لیدلي دي.
ویل کېږي د پاکستان د پوځ مشر عاصم منير هم په دې سفر کې ګډون لري.
ځینې سرچینې ادعا کوي چې پاکستان هڅه کوي چین د ایران او امریکا ترمنځ د هر احتمالي تړون ضامن وګرځي، او ښايي عاصم منیر د همدې هڅو په لړ کې نږدې ورځو کې دوحې ته هم سفر وکړي.
تر اوسه په دې اړه په رسمي ډول څه نه دي ويل شوي.
د امریکا د بهرنیو چارو وزارت یوه چارواکي فاکس نیوز ته ویلي چې په سیمه کې د تلپاتې سولې او ثبات د ټینګښت لپاره یوازینۍ اغېزمنه لار د لبنان او اسراییل ترمنځ مستقیمې خبرې اترې دي.
د نوموړي په وینا، واشنګټن باور لري چې د دواړو لورو ترمنځ د شخړو او اختلافاتو د حل لپاره ډیپلوماتیکې او مخامخ خبرې تر ټولو غوره لاره ده او کولی شي د اوږدمهاله امنیت او ثبات زمینه برابره کړي.
دغه څرګندونې په داسې حال کې کېږي چې د لبنان او اسراییل ترمنځ د سرحدي سیمو او امنیتي وضعیت په اړه اندېښنې لا هم پر خپل ځای دي او نړیوالې هڅې روانې دي څو د دواړو خواوو ترمنځ د کړکېچ کچه راکمه شي.
امریکايي چارواکي ټینګار کوي چې هر ډول دوامداره حل باید د خبرو اترو له لارې ترلاسه شي او دواړه لوري باید د تاوتریخوالي پر ځای سیاسي او ډیپلوماتیکو لارو ته لومړیتوب ورکړي.
د اسراییل یوې رسنۍ راپور ورکړی چې د اسراییل استخباراتي ادارې موساد د ایران پر ضد د نفوذ او بېثباته کولو عملیاتو لپاره یوه محرمانه څانګه جوړه کړې ده.
د راپور له مخې، دغه واحد په ۲۰۲۱ کال کې د موساد د مشرۍ د بدلون وروسته رامنځته شو او په پیل کې یې د ایران د لوړپوړو چارواکو پر ضد د ځانګړو عملیاتو تمرکز درلود؛ خو وروسته یې فعالیتونه پراخ شول او د ایران په اړه د موساد د پراخې ستراتیژۍ برخه وګرځېدل.
سرچینې وایي چې د دې څانګې مسؤلان باور لري وروستي عملیات د اوږدمهاله پلان یوازې یوه برخه ده او د ایران پر وړاندې د دوی فعالیتونه لا هم دوام لري.
د راپور له مخې، د دې واحد یوه پخواني مشر ویلي چې د دوی هدف د ایران د حکومت د کمزوري کېدو بهیر ګړندی کول دي او په وینا یې اوسنی پړاو د فعالیتونو پیل بلل کېږي، نه پای.
همداراز ویل شوي چې دغه څانګه اوس په لا زیات شدت خپل فعالیتونه پر مخ وړي او هڅه کوي د سیاسي بدلون بهیر چټک کړي.
راپور دا ادعا هم کړې چې د موساد مشر په دې باور دی، که د امریکا ولسمشر ډونالډ ټرمپ له ایران سره د داسې احتمالي هوکړې ملاتړ ونه کړي چې د دغه هېواد اقتصادي وضعیت پیاوړی کړي او اقتصادي فشارونه دوام ومومي، نو د ایران حکومت به له جدي ننګونو سره مخ شي.
د اسراییل یوې رسنۍ راپور ورکړی چې د اسراییل استخباراتي ادارې موساد د ایران پر ضد د نفوذ او بېثباته کولو عملیاتو لپاره یوه محرمانه څانګه جوړه کړې ده.
د راپور له مخې، دغه واحد په ۲۰۲۱ کال کې د موساد د مشرۍ د بدلون وروسته رامنځته شو او په پیل کې یې د ایران د لوړپوړو چارواکو پر ضد د ځانګړو عملیاتو تمرکز درلود؛ خو وروسته یې فعالیتونه پراخ شول او د ایران په اړه د موساد د پراخې ستراتیژۍ برخه وګرځېدل.
سرچینې وایي چې د دې څانګې مسؤلان باور لري وروستي عملیات د اوږدمهاله پلان یوازې یوه برخه ده او د ایران پر وړاندې د دوی فعالیتونه لا هم دوام لري.
د راپور له مخې، د دې واحد یوه پخواني مشر ویلي چې د دوی هدف د ایران د حکومت د کمزوري کېدو بهیر ګړندی کول دي او په وینا یې اوسنی پړاو د فعالیتونو پیل بلل کېږي، نه پای.
همداراز ویل شوي چې دغه څانګه اوس په لا زیات شدت خپل فعالیتونه پر مخ وړي او هڅه کوي د سیاسي بدلون بهیر چټک کړي.
راپور دا ادعا هم کړې چې د موساد مشر په دې باور دی، که د امریکا ولسمشر ډونالډ ټرمپ له ایران سره د داسې احتمالي هوکړې ملاتړ ونه کړي چې د دغه هېواد اقتصادي وضعیت پیاوړی کړي او اقتصادي فشارونه دوام ومومي، نو د ایران حکومت به له جدي ننګونو سره مخ شي.
د هند د پلازمېنې ډیلي د جهانګیرپوري په سیمه کې یو ۲۶ کلن ځوان د چړې په ګوزارونو وژل شوی او پولیسو د دې پېښې په تړاو درې کمعمره کسان نیولي دي.
د پولیسو د معلوماتو له مخې، پېښه د یوه سګرټ پر سر له رامنځته شوي لفظي شخړې وروسته شوې ده.
ویل کېږي چې شخړه په تاوتریخوالي بدله شوې او قرباني د چړې په ګوزارونو سخت ټپي شوی و.
ټپي شوی ځوان روغتون ته لېږدول شوی؛ خو د ژورو ټپونو له امله یې ژوند له لاسه ورکړی دی.
پولیسو ویلي چې د پېښې په تړاو درې کمعمره شکمن کسان نیول شوي او د قضیې په اړه نورې پلټنې روانې دي.
د کډوالۍ او نړیوال تابعیت د مشورتي ادارې د یوې نوې ارزونې له مخې، د پرتګال پلازمېنه لېسبون د هغو کسانو لپاره د نړۍ تر ټولو غوره ښار بلل شوی چې غواړي بل هېواد ته کډه شي او نوی ژوند پیل کړي.
په دې ارزونه کې د نړۍ ۳۵ ښارونه د بېلابېلو معیارونو له مخې ارزول شوي دي، چې پکې شخصي امنیت، روغتیايي خدمتونه، د ژوند لګښت، د چاپېریال کیفیت، د انګلیسي ژبې کارونه، ښاري ترانسپورټ او د نوو اوسېدونکو د ټولنیز ادغام وړتیا شامل وو.
لېسبون د ۸۸.۴۹ نمرو په ترلاسه کولو سره لومړی مقام خپل کړ.
راپور وايي چې دغه ښار د ژوند د مناسب لګښت، پاکې هوا او د بهرنیانو لپاره د استوګنې د بېلابېلو اسانتیاوو له امله لوړ امتیاز ترلاسه کړی دی.
د هالنډ پلازمېنه امسټرډام دویم او د اسټرالیا ملبورن درېیم ځای خپل کړی دی.
ورپسې ویانا په څلورم او بارسلونا په پنځم مقام کې راغلي دي.
د لسو غوره ښارونو په نوملړ کې سنګاپور، اوکلېنډ، ټوکیو، کوپنهاګن او سیول هم شامل دي.
په راپور کې تلابیب د ۷۲.۵۱ نمرو په ترلاسه کولو سره ۱۷م مقام خپل کړی دی.
سره له دې چې دغه ښار د ژوند د کیفیت له پلوه مناسب ارزول شوی؛ خو د نړۍ له تر ټولو ګرانبیه ښارونو څخه هم ګڼل شوی دی.
ارزونې همداراز ښودلې چې د ژوند له پلوه تر ټولو ارزانه ښار هو چي مېن (وېتنام) دی، ورپسې نایروبي، بالي او تفلیس راځي؛ خو دغو ښارونو د روغتیايي خدمتونو او عامه ترانسپورټ په برخو کې ټیټې نمرې ترلاسه کړې دي.
د ټولنیز ادغام په ځانګړې درجهبندۍ کې، د کوسټاریکا سان خوسې ښار لومړی ځای خپل کړی، چې د بهرنیانو هرکلی، د ملګرو موندلو اسانتیا او د کلتوري پرانیستې له امله یې لوړ امتیاز ترلاسه کړی دی.
د ملګرو ملتونو پراختیایي پروګرام يا UNDP ويلي، د نړۍ د پړانګانو شمېر چې شاوخوا یوه لسیزه وړاندې د اندېښنې وړ کچې ته راټیټ شوی و، اوس د نړیوالو ساتندویو پروګرامونو او ګډو هڅو له امله د بیا زیاتېدو نښې ښيي.
یاد بنسټ وایي چې د نړیوالو سازمانونو، حکومتونو او سیمهییزو ټولنو ترمنځ همغږي د دې لامل شوې چې د پړانګانو طبیعي استوګنځایونه تر یوه بریده خوندي شي او د هغوی د بقا لپاره مناسب شرایط رامنځته شي.
د راپور له مخې، د چاپېریال ساتنې نړیوال صندوق او نور شریک بنسټونه هڅه کوي چې د پړانګانو د ساتنې لپاره دوامدار مالي ملاتړ او اغېزمنې پالیسۍ رامنځته کړي، څو دغه نایابه وحشي ژوی له ورکېدو وژغورل شي.
په داسې حال کې چې په یو شمېر آسیایي هېوادونو کې د پړانګانو شمېر د زیاتېدو په حال کې دی، افغانستان له هغو هېوادونو څخه دی چې پړانګان پکې له لسیزو راهیسې ورک شوي ګڼل کېږي.
د تاریخ له مخې، د «کیسپین پړانګ» په نوم ډول پخوا د افغانستان په شمالي او شمالختیځو سیمو کې هم ژوند کاوه، خو د ښکار، د استوګنځایونو د له منځه تلو او بشري فعالیتونو له امله یې نسل له منځه ولاړ.
کارپوهان وایي، که څه هم په افغانستان کې د پړانګانو د بېرته راګرځولو کوم رسمي پروګرام نشته، خو هېواد لا هم د واورین پړانګ، مارخور او نورو نادرو ژوو لپاره مهم طبیعي استوګنځایونه لري چې د ساتنې جدي پاملرنې ته اړتیا لري.
د چاپېریال د ساتنې فعالان ټینګار کوي چې د طبیعي تنوع خوندي کول نه یوازې د وحشي ژوو د بقا لپاره مهم دي، بلکې د ایکوسیستم د توازن او راتلونکو نسلونو د ګټې لپاره هم حیاتي ارزښت لري.
د وروستیو راپورونو له مخې د ممبي انډینز لوبډلې مشرتابه او مسؤلین غواړي هارډیک پانډیا د لوبډلمشرۍ له دندې لرې کړي.
راپورونه ښيي چې سږ کال د نوموړي تر مشرۍ لاندې ممبي انډینز د تمې خلاف کارکردګي وکړه، ګڼې مهمې لوبې یې وبایللې او لوبډله هم له لوبو ژر بهر شوه.
نیویارک ټایمز وايي، د ایران یوه سختدریځه ډله هڅه کوي چې له امريکا سره روانې خبرې اترې ګډوډې کړي.
راپور وايي چې په پارلمان، حکومتي رسنیو او د ملي امنیت په عالي شورا کې ځینې سختدریځي څېرې، سره له دې چې د ایران رهبر له مذاکراتو ملاتړ کړی، د لاریونونو، رسنیزو کمپاینونو او سیاسي فشارونو له لارې له واشنګټن سره د امتیاز ورکولو مخالفت کوي.
د ورځپاڼې په وینا، د ایران ولسمشر، مسعود پزشکيان، په دې وروستیو کې پر دولتي ټلوېزیون نیوکه کړې چې مذاکرات ناکام ښيي او د سیاسي اختلافاتو د ژورېدو لامل کېږي، په داسې حال کې چې د ایران د مذاکره کوونکي پلاوي له خوا له امريکا سره خبرې لا هم روانې دي.
راپور د شنونکو او چارواکو له قوله لیکلي چې د سختدریځو ډله د اقلیت استازیتوب کوي؛ خو بیا هم د ایران د سیاسي جوړښت په ځینو برخو او د اسلامي جمهوریت د ملاتړو ترمنځ نفوذ لري.
نیویارک ټایمز همداراز د سختدریځو څېرو او د ایران د مذاکره کوونکي ټیم د غړو ترمنځ د واشنګټن سره د خبرو اترو د مسیر پر سر د اختلافاتو او تاوتریخوالي خبر ورکړی دی.