د قطر په ملاتړ ۷۴ افغان زده کړیالانو د امریکا له ۲۷ بېلابېلو پوهنتونونو خپلې لوړې زده کړې بشپړې کړې.
د راپورونو له مخې، دغو زده کړیالانو په افغانستان کې د طالبانو حکومت له واکمنېدو وروسته د «افغانانو لپاره د قطر بورس» پروګرام په ملاتړ له امریکایي پوهنتونونو زده کړې پیل کړې وې.
د «افغانانو لپاره د قطر بورس» پروګرام د هغو افغان زده کوونکو او زده کړیالانو د ملاتړ لپاره جوړ شوی چې زده کړې یې د وروستیو سیاسي بدلونونو او بحرانونو له امله له خنډ سره مخ شوې وې.
د دې پروګرام له لارې تر اوسه ۴۲۶ افغان زده کړیالانو ته د امریکا په پوهنتونونو کې د زده کړو زمینه برابره شوې ده.
