د طالبانو حکومت د مالیې وزارت خبر ورکړی چې د دغه وزارت سرپرست محمد ناصر اخوند د یوه پلاوي په مشرۍ په رسمي سفر ایران ته تللی دی.
یاد وزارت وايي، نوموړی د ایران د کرنې وزیر په رسمي بلنه دغه هېواد ته سفر کړی او ټاکل شوې چې د سفر پر مهال له ایراني چارواکو سره د دوهاړخیزو اقتصادي، سوداګریزو او ګمرکي همکاریو په اړه خبرې وکړي.
د طالبانو حکومت د مالیې وزارت زیاتوي، په دې سفر کې به د افغانستان او ایران ترمنځ د ګډ اقتصادي کمېسیون د راتلونکې غونډې پر مهمو موضوعاتو هم بحث وشي.
