نیویارک ټایمز راپور ورکړی چې د امریکا بهرنیو چارو وزارت د افغانستان ـ امریکايي پوهنتون لپاره د ۲۵ میلیونه ډالرو د بودیجې غوښتنه رد کړې ده.
راپور وايي، دغه پوهنتون اوس شاوخوا زر زدهکړیالان لري چې ټول یې آنلاین زدهکړې کوي.
د زدهکړیالانو شاوخوا ۷۵ سلنه ښځې دي او نږدې ۹۰ سلنه یې په افغانستان کې ژوند کوي.
د پوهنتون رئیس ډیویډ اډوارډز اندېښنه ښودلې چې د بودیجې نه منظورېدل ښايي د سلګونو افغان ښځینه زدهکړیالانو د زدهکړو پر دوام اغېز وکړي.
