د امریکا ولسمشر ډونالډ ټرمپ ایران ته خبرداری ورکړی چې له واشنګټن سره روان کړکېچ به ډېر زر پای ته ورسېږي او تهران باید د هوکړې لپاره «سم او هوښیار» اقدام وکړي.
ټرمپ د ټکساس په ډنټن ښار کې ویلي، که ایران داسې اقدام ونه کړي، «ډېر وخت به پاتې نه شي». نوموړي دا څرګندونې د ایران او امریکا ترمنځ د روان کړکېچ په اړه کړې دي.
ټرمپ پر دې هم شک څرګند کړی چې ایران به له واشنګټن سره هره هوکړه عملي کړي.
هغه ویلي، له ایران سره په تړون کې د ژمنو د نه عملي کېدو احتمال شته.
