د اوکراین د دفاع وزیر رستم عمروف ویلي، واشنګټن پر دغه هېواد د روسیې د یرغل له پیل راهیسې له کییف سره څه باندې ۶۴ میلیارده ډالره پوځي مرسته کړې ده.
رستم عمروف د امریکا د دفاع له وزیر لوید آسټین سره په کتنه کې ویلي، چې د جګړې په ډګر کې د اوکراین بریا د امریکا بشپړ ملاتړ ته اړتیا لري.
عمروف دغه څرګندونې کییف ته د امریکا د دفاع وزیر لویډ اسټین د سفر پر مهال کړې دي.
لويد آسټین په دغه سفر کې اوکراين ته د ۴۰۰ ميليونو ډالرو نورې مرستې اعلان هم کړی دی.
ویل کېږي چې په دې مرستو کې د هوايي دفاع سیسټمونه، توپچي تجهیزات او نورې وسلې او د روزنې تجهیزات شامل دي.
