په افغانستان کې د ملګرو ملتونو سیاسي استازولۍ (یوناما) د نورستان ولایت د پارون ښار د وروستیو ویجاړوونکو سېلابونو له امله له زیانمنو کورنیو سره خواخوږي څرګنده کړې ده.
یوناما په خپله اعلامیه کې ویلي، د هغو کورنیو له غړو سره ژوره خواخوږي څرګندوي چې خپل عزیزان یې له لاسه ورکړي، او اداره يې له ټولو سېلاب ځپلو سره ولاړه ده.
اعلامیه زیاتوي، هیله لري چې نادرکه کسان ژر وموندل شي او د ژغورنې ډلې د خپلو عملیاتو په ترسره کولو کې بریالۍ او پیاوړې پاتې شي.
