د یمن په جنوبي ښار عدن کې پر ولسمشرۍ ماڼۍ د حوثیانو د توغندیز برید له امله د دغه هېواد د لومړي وزیر دوه ساتونکي وژل شوي دي.
د راپور له مخې، حوثي جنګیالیو د المعاشیق پر ماڼۍ څو توغندي توغولي دي. دغه ماڼۍ د یمن د نړیوالې ټولنې له خوا په رسمیت پېژندل شوي حکومت د مرکزي دفتر په توګه کارول کېږي.
په برید کې لومړي وزیر او د حکومت نورو چارواکو ته زیان نه دی رسېدلی. چارواکو دا پېښه د لومړي وزیر د ترور هڅه بللې ده.
