راپورونه وايي، ناپېژانده وسلهوالو نن سهار د بلوچستان د کوېټې ښار کې په بیللي سیمه کې یو پښتون سوداګر وژلی دی.
د راپورونو په وينا، وژل شوی کس هاشم نورزی نومېده، چې د دغې سيمې د کابلجان هوټل څښتن هم و او د يادې سیمې له پېژندل شوو سوداګرو څخه شمېرل کېده.
راپورونو کې دغه راز ويل شوي، چې بریدګر له پېښې وروسته له سیمې تښتېدلي.
تر اوسه د دې برید د انګېزې په اړه رسمي معلومات نه دي خپاره شوي او نه هم پاکستاني چارواکو په دې تړاو څه ويلي دي.
