د ایران ولسمشر مسعود پزشکیان ویلي چې په قطر کې د ایران کنګل شوې شتمنۍ به د امریکا سره د جګړې د پای ته رسولو د یوې لومړنۍ هوکړې په چوکاټ کې بېرته ایران ته ورکړل شي.
د راپورونو له مخې، دا شتمنۍ چې شاوخوا ۶ میلیارده ډالره اټکل کېږي، د دواړو لورو ترمنځ د روانو خبرو د یوې مهمې برخې په توګه هم یادیږي.
په ورته وخت، دغه پرمختګ د امریکا او ایران ترمنځ د کړکېچ د کمېدو او د احتمالي سولې د هوکړې د پیاوړتیا لپاره مهم ګام بلل کېږي.
تر اوسه د دې هوکړې په اړه د امریکا له لوري رسمي جزئیات نه دي خپاره شوي.
