د امریکا ولسمشر ډونالډ یو ځل بیا د پخواني ولسمشر بارک اوباما له لوري د ایران اټومي تړون ننګولی او ویلي یې دي چې هغې تړون ایران ته د اټومي وسلې د ترلاسه کولو لاره هواروله.
ټرمپ په خپلو تازه څرګندونو کې ویلي چې د اوباما د دورې اټومي تړون «ایران د اټومي وسلې د لرلو پر لور بیوه»، خو په وینا یې له ایران سره د ده هوکړه د اټومي وسلو د ترلاسه کولو پر وړاندې «یو دېوال» جوړوي.
د امریکا ولسمشر ټینګار کړی چې د ده لپاره تر ټولو مهمه موضوع دا ده چې ایران هېڅکله اټومي وسله ترلاسه نه کړي، او ویلي یې دي چې د روانې هوکړې موخه هم همدا ده.
