سرچینې وايي، تمه کیږي د امریکا، جاپان، اسټرالیا او هند مشران د سه شنبې په ورځ په مانیلا کې د یوې مهمې اسیایي غونډې په څنډه کې سره وګوري. دا به په تېرو دوو کلونو کې د کواډ هیوادونو لومړنۍ سرمشریزه وي.
د هند ارام سمندر سیمې د قدرتونو ډله (کواډ) په پراخه کچه په سیمه کې د چین د مخ پر زیاتیدونکي نفوذ په وړاندې د یو توازن د رامنځته کوونکي په توګه لیدل کیږي؛ که څه هم د دې ډلې غړو ویلي چې دغه اتحاد د کوم ځانګړي هیواد پر ضد نه دی جوړ شوی.
