د هسپانیې پاچا شپږم فلیپ د اورګاډي په ټکر کې د مړو شویو کسانو په درناوي درې ورځې ملي ماتم اعلان کړی دی.
د هسپانیې د رسمي دولتي جریدې (BOE) د خپاره شوي شاهي فرمان له مخې، ملي ماتم به د ۲۰۲۶ کال د اکتوبر په ۲۹مه، د شپې له ۱۲ بجو پېل او د اکتوبر تر ۳۱مې، د شپې تر ۱۲ بجو پورې دوام وکړي.
د فرمان له مخې، په دې موده کې به د هسپانیې ملي بیرغ پر ټولو دولتي ودانیو او د سمندري ځواکونو پر بېړیو نیمه ځوړند وي.
یاد فرمان د اکتوبر په ۲۸مه خپور شوی او د هسپانیې د پاچا شپږم فلیپ له لوري لاسلیک شوی دی. په فرمان کې ویل شوي چې دا پرېکړه د اورګاډي په پېښه کې د مړو شویو کسانو په درناوي شوې ده.
هسپانیه؛د اورګاډي پېښې له امله درې ورځې ملي ماتم اعلان شو
