پاکستانۍ شنونکې عایشه صدیقه وايي، د پاکستان د پوځ مشر عاصم منیر به یوازې د هېواد د کمزوري کېدو لامل نه شي، بلکې د پوځ پر بنسټ به هم منفي اغېز وکړي.
هغې ویلي، ښايي یوه ورځ د پوځ له دننه پر عاصم منیر فشارونه زیات شي، ځکه د نوموړې په وینا، د هغه تګلارې به د پاکستان ترڅنګ د پوځ ادارې ته هم زیان ورسوي.
صدیقې د پاکستان اوسنی وضعیت هم سخت بللی او ویلي یې دي چې د عاصم منیر په مشرۍ دغه هېواد بهرني دښمن ته اړتیا نه لري او له هغې پرته هم له کافي ستونزو سره مخ دی.
