د شمالي کوریا حکومت د خپل اساسي قانون په نوې تعدیل کې خبرداری ورکړی چې د دغه هېواد د مشر کیم جونګ اون پر ضد هر ډول د ترور هڅه به د اټومي غبرګون لامل شي.
دا بدلون داسې مهال رامنځته شوی چې په سیمه کې د لوړپوړو مشرانو د امنیت او احتمالي بریدونو په اړه اندېښنې زیاتې شوې دي.
بل خوا، د فاکس نیوز د راپور له مخې د شمالي کوریا مشر کیم جونګ اون یو ځل بیا د امریکا او جنوبي کوریا پر وړاندې خپل سخت دریځ تکرار کړی او ویلي یې دي چې پیونګ یانګ به خپلې اټومي او دفاعي وړتیاوې نورې هم پراخې کړي.
