د جون ۲۴مه د ښځو د ډیپلوماسۍ نړیوالې ورځې په توګه نمانځل کېږي.
دا ورځ د نړۍ په کچه په ډیپلوماسۍ، سولې جوړونې او نړیوالو اړیکو کې د ښځو د ونډې، مشرتابه او اغېزمن حضور د ستاینې لپاره ځانګړې شوې ده.
ملګرو ملتونو دغه ورځ د دې لپاره نومولې چې د بهرنۍ پالیسۍ، خبرو اترو او د شخړو د حل په برخو کې د ښځو ونډه لا پیاوړې شي او د تصمیم نیونې په کچه د هغوی حضور ته زمینه برابره شي.
د ښځو د ډیپلوماسۍ نړیواله ورځ په داسې حال کې نمانځل کېږي چې په بېلابېلو هېوادونو په ځانګړې ډول افغانستان کې ښځې لا هم د زدهکړو، کار او ټولنیز ګډون له محدودیتونو سره مخ دي.
