د پاکستان تر واک لاندې کشمیر کې د حکومت ضد اعتراضونه او تاوتریخوالی سخت شوي چې له امله یې لږ تر لږه ۲۴ کسان وژل شوي او لسګونه نور ټپیان شوي دي.
راپورونه وایي، دغه لاریونونه د سیمهییزو پارلماني ټاکنو لپاره د ۱۲ ځانګړو څوکیو د ځانګړي کولو پر ضد پیل شوي او له تېرو دوو اوونیو راهیسې دوام لري.
د پولیسو د معلوماتو له مخې، د مظاهرهچیانو او امنیتي ځواکونو ترمنځ په نښتو کې څلور پولیس هم وژل شوي، ۹۷ نور ټپیان شوي او له ۵۰۰ څخه ډېر کسان نیول شوي دي.
د کړکېچ له پراخېدو وروسته په سیمه کې عمومي اعتصاب اعلان شوی، سوداګریز بازارونه تړل شوي، مهمې لارې بندې شوې او د انټرنېټ خدمات هم محدود شوي دي.
د اعتراضونو تنظیموونکي ادعا کوي چې حکومت د خلکو غوښتنو ته غوږ نه نیسي او د سولهییزو لاریونونو پر وړاندې له زور او تاوتریخوالي کار اخلي.
بل لور ته، چارواکو د امنیت د ټینګښت لپاره سخت تدابیر نیولي دي.
