د برېتانیا لومړي وزیر کیر سټارمر اعلان وکړ چې د لومړي وزیرۍ او د کارګر ګوند د مشرۍ له دندو به استعفا وکړي.
سټارمر د دوشنبې په ورځ وویل چې د کارګر ګوند د نوي مشر لپاره د نوماندانو د نوملیکنې بهیر به د جولای له ۹مې نېټې پیل شي.
هغه د خپلې استعفا له اعلان مخکې وویل چې کارګر ګوند یې په داسې حال کې ترلاسه کړی و چې له سیاسي، مالي او اخلاقي پلوه له سختو ستونزو سره مخ و.
سټارمر زیاته کړه چې ډېر ځله ورته ویل شوي وو چې کارګر ګوند پای ته رسېدلی، خو ده ثابته کړه چې دا ارزونې ناسمې وې.
د برېتانیا لومړي وزیر همداراز وویل چې د یهود ضد احساساتو پر وړاندې یې مبارزه کړې او حکومت یې د اقتصاد، دفاع او ملي امنیت په برخو کې د خلکو باور بېرته راژوندی کړی دی.
